UMakho 1:32 - iBhayibhili Elingcwele 1978

³² Sekuhlwile, ilanga selitshonile, baletha kuye bonke abagulayo lababengenwe ngomoya ababi.

IBhayibhili Elingcwele LesiNdebele

³² Ngaleyontambama ilanga selitshonile abantu baletha kuJesu bonke abagulayo labaphethwe ngamadimoni.

UMakho 1:32 ပူးပေါင်းရင်းမြစ်များ

UMatewu 4:24

Udumo lwakhe lwaphumela elizweni lonke laseSiriya; baletha kuye bonke abagulayo, ababephethwe yizifo ngezifo lobuhlungu, lababengenwe ngomoya ababi, lababelesithuthwane, lezilima; wabasilisa.

UMatewu 8:16

Sekuhlwile, baletha kuye abanengi abangenwe ngomoya ababi. Wakhupha omoya ngelizwi, wasilisa bonke abagulayo,

UMatewu 8:17

ukuba kugcwaliseke okwakhulunywa nguIsaya umprofethi kokuthi: Yena wathatha imikhuhlane yethu, wazithwala izifo zethu.

UMakho 1:21

Bangena eKapenawume. Kwathi masinyane ngeSabatha wangena esinagogeni, wafundisa.

UMakho 1:31

Waya kuye, wambamba ngesandla wamlulamisa; umkhuhlane wamyekela, wabasebenzela.

UMakho 3:2

Bamqaphela ukuba uzakumsilisa ngeSabatha, ukuze bambeke icala.

ULukha 4:40

Kwathi ekutshoneni kwelanga bonke ababelabagula izifo ngezifo babaletha kuye. Wabeka izandla zakhe kulowo lalowo wabo, wabasilisa.

ULukha 4:41

Kwaphuma labomoya ababi kwabanengi bememeza besithi: Wena uyiNdodana kaNkulunkulu. Kodwa wabakhuza, engabavumeli ukuba bakhulume, ngoba babemazi ukuthi unguKristu.