ULevi 9:7 - iBhayibhili Elingcwele 1978

⁷ UMose wathi kuAroni: Sondela ealtareni, unikele umnikelo wakho wesono lomnikelo wakho wokutshiswa, uzenzele wena labantu indlela yokubuyisana; letha lomnikelo wabantu, ubenzele indlela yokubuyisana, njengokulaya kweNkosi.

IBhayibhili Elingcwele LesiNdebele

⁷ UMosi wathi ku-Aroni, “Woza e-alithareni uzonikela umhlatshelo wesono sakho kanye lomnikelo wakho wokutshiswa, wenzele wena kanye labantu indlela yokubuyisana. Unikele umhlatshelo wabantu ubenzele uxolo njengalokhu okulaywe nguThixo.”

ULevi 9:7 ပူးပေါင်းရင်းမြစ်များ

ULevi 16:11

UAroni kazinikelele ngenkunzi ibe ngumnikelo wesono, azenzele yena lendlu yakhe indlela yokubuyisana; kahlabe inkunzi ibe ngumnikelo ngenxa yesono sakhe.

ULevi 16:24

ageze umzimba wakhe ngamanzi endaweni engcwele, agqoke izambatho zakhe, aphume, anikele umnikelo wakhe wokutshiswa lomnikelo wokutshiswa wabantu, azenzele yena labantu indlela yokubuyisana.

ULevi 16:6

UAroni kazinikelele ngenkunzi ibe ngumnikelo wesono, azenzele lendlu yakhe indlela yokubuyisana.

ULevi 4:3

uba kungumpristi ogcotshiweyo owona kanjalo, kuze kwehlele icala phezu kwabantu, kanikele eNkosini ngesono sakhe inkunzi engelasici ibe ngumnikelo wesono.

ULevi 8:34

Konke okwenziweyo lamhla iNkosi ilayile ukuba kwenziwe, ukuze lenzelwe indlela yokubuyisana.

ULevi 9:2

Wathi kuAroni: Thatha ithole elingelasici libe ngumnikelo wesono, lenqama engelasici ibe ngumnikelo wokutshiswa, ukunikele eNkosini.

AmaHebheru 5:1

Ngoba ilowo lalowo umpristi omkhulu okhethwa ebantwini umiselwa abantu ezintweni zikaNkulunkulu, ukuze anikele izipho lemihlatshelo ngenxa yezono;

AmaHebheru 5:3

ngenxa yalokhu kufanele ukuba, njengalokhu enikelela izono zabantu, anikelele lezakhe.

AmaHebheru 9:7

kodwa kwelesibili kungena umpristi omkhulu yedwa, laye engena kanye ngomnyaka, ephethe igazi anikela ngalo ngenxa yakhe langenxa yeziphambeko zabantu.

1 USamuyeli 3:14

Ngakhoke ngiyafunga kuyo indlu kaEli ukuthi ububi bayo kabuyikuhlanjululwa ngomhlatshelo langomnikelo kuze kube nini lanini.