ULevi 9:24 - iBhayibhili Elingcwele 1978

²⁴ Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.

IBhayibhili Elingcwele LesiNdebele

²⁴ Kwavela umlilo lapho ngoba uThixo wayekhona, kwatsha umnikelo wokutshiswa kanye lamahwahwa e-alithareni. Abantu bonke bathi bebona lokho, bamemeza ngentokozo bathi mbo ngobuso phansi.

ULevi 9:24 ပူးပေါင်းရင်းမြစ်များ

UGenesisi 15:17

Kwathi lapho ilanga selitshonile sekumnyama, kwabonakala imbawula ethunqayo lelangabi lomlilo kudabula phakathi kwalezozingxenye.

UGenesisi 17:3

UAbrama wawa ngobuso, uNkulunkulu wakhuluma laye,

2 AmaKhosi 19:15

UHezekiya wakhuleka esithi: Nkosi, Nkulunkulu kaIsrayeli, wena ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

1 ImiLando 21:26

Wayakhela khona iNkosi ialtare, wanikela phezu kwalo iminikelo yokutshiswa leminikelo yokuthula, wakhuleka eNkosini, yona yamphendula ngomlilo ovela ezulwini, wavutha phezu kwealtare lomnikelo wokutshiswa.

2 ImiLando 6:2

ngikwakhele indlu ephakemeyo, indawo ongahlala kiyo kuze kube nini lanini.

U-Ezra 3:11

Baphendulana ngokuhlabela bedumisa bebonga iNkosi besithi: Ngoba iNkosi ilungile, lothando lwayo olungapheliyo lumi kuze kube nininini kuIsrayeli. Bonke abantu bamemeza kakhulu ekuyidumiseni kwabo iNkosi, ngoba isisekelo sethempeli sasesibekiwe.

AmaHubo 80:1

Zwana, Malusi kaIsrayeli, wena okhokhela uJosefa njengomhlambi. Wena ohlezi esihlalweni sakho sobukhosi ngaphezu kwamakherubi, bonakala ngokukhanya

U-Eksodasi 3:2

Isithunywa seNkosi sabonakala kuye elangabini lomlilo liphuma esihlahleni; wakhangela, wabona isihlahla sivutha umlilo, kodwa isihlahla sasingatshi.

ULevi 10:2

Kwavela umlilo eNkosini, wabaqothula, bafela phambi kweNkosi.

ULevi 6:13

Umlilo uzakuvutha ealtareni kokuphela, ungacimi.

AmaNani 14:5

UMose loAroni bathi mbo ngobuso phansi phambi kwalo lonke ibandla labakoIsrayeli.

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

AmaNani 23:21

Ububi kabufunyaniswanga kuJakobe, lokuhlupheka kakubonakalanga kuIsrayeli. INkosi uNkulunkulu wabo ilabo, kumenyezelwa phakathi kwabo ukuthi iyinkosi.

UMatewu 26:39

Waqhubeka ingcosana, wawa phansi ngobuso bakhe, wakhuleka wathi: Baba, uba kungenzeka, kakudlule kimi linkezo; kodwa kungabi njengokuba ngithanda mina, kodwa njengokuba uthanda wena.

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.

Isambulo 7:11

Izithunywa zonke zazimi zihanqe isihlalo sobukhosi labadala lezidalwa ezine eziphilayo, zaziwisela phansi ngobuso phambi kwesihlalo sobukhosi zikhonza uNkulunkulu,

Abahluleli 13:23

Kodwa umkakhe wathi: Uba iNkosi ibiqonde ukusibulala, ibingayikwamukela umnikelo wethu wokutshiswa lomnikelo wethu wempuphu, loba isitshengise zonke lezizinto, lokusitshela izinto ezinjengalezi.

Abahluleli 6:21

Isithunywa seNkosi sakhomba ngobhulo esasiluphethe, sathinta ngesihloko salo inyama lezinkwa ezingelamvubelo; kwasekuvutha umlilo edwaleni, watshisa inyama lezinkwa ezingelamvubelo. Isithunywa seNkosi sasesinyamalala phambi kwakhe.