ULevi 8:30 - iBhayibhili Elingcwele 1978

³⁰ UMose wasethatha amagcobo okugcoba legazi elalisealtareni, wachela ngakho uAroni lezambatho zakhe, lamadodana akhe lezambatho zawo. Ngalokhu wahlukanisela iNkosi uAroni lezambatho zakhe, lamadodana akhe lezambatho zawo.

IBhayibhili Elingcwele LesiNdebele

³⁰ UMosi wasethatha amanye amafutha okugcobela isikhundla lelinye igazi elisuka e-alithareni, wasechela u-Aroni lezembatho zakhe kanye lamadodana akhe lezembatho zawo. Ngalokho wangcwelisa u-Aroni lezembatho zakhe, lamadodana akhe lezembatho zawo.

ULevi 8:30 ပူးပေါင်းရင်းမြစ်များ

U-Eksodasi 28:2

Umenzele uAroni umfowenu izambatho ezingcwele, ezobukhosi lezokucecisa.

U-Eksodasi 29:21

Uzathatha igazi elisealtareni lamagcobo okugcoba, umchele ngakho uAroni lezambatho zakhe, lamadodana akhe, lezambatho zamadodana akhe, ukuba abe ngcwele lezambatho zakhe, lamadodana akhe lezambatho zawo.

U-Eksodasi 30:30

Ubagcobe uAroni lamadodana akhe, ubalukhanisele ukuba babe ngabapristi bokuphatha umsebenzi wami.

U-Isaya 61:1

Umoya weNkosi uNkulunkulu uphezu kwami, ngoba iNkosi ingigcobile ukuba ngitshumayele indaba ezinhle kubayanga, ingithumile ukusilisa abalenhliziyo ezidabukileyo, ngimemezele ukukhululwa kwabathunjiweyo, lokuvulelwa kwezibotshwa entolongweni;

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

ULevi 7:35

Lokho kuyisabelo sikaAroni lesamadodana akhe esivela eminikelweni eyenzelwe iNkosi ngomlilo ebahlukaniselwe mhla belethwa eNkosini ukuba babe ngabapristi bayo.

ULevi 7:36

INkosi yalaya ukuba abakoIsrayeli babanike lokhu ngosuku lokugcotshwa kwabo. Kuyisimiso esingelakuphela ezizukulwaneni zabo zonke.

ULevi 8:12

Wathela amagcobo okugcoba ekhanda likaAroni, wamgcoba, ukuba amahlukanisele iNkosi.

AmaNani 3:3

yiwo lawo amabizo amadodana kaAroni, abapristi abagcotshiweyo, abahlukaniselwa ukukhonza enkonzweni yobupristi.

AmaHebheru 2:11

Ngoba lowo owenza ukuba babe ngcwele lalabo abenziwa baba ngcwele ngabohlanga lunye; ngakhoke kalanhloni ukubabiza ngokuthi ngabafowethu,

1 UPhethro 1:2

abakhethiweyo ngokwazi ngaphambili kukaNkulunkulu uBaba, bahlukaniselwa nguMoya ukulalela uJesu Kristu lokufafazwa ngegazi lakhe; ngithi: Kakwandiswe kini umusa lokuthula.

1 UJohane 2:27

Kodwa linake, ukugcotshwa elakwamukela kuye kuhlala kini, kalisweli muntu ukuba alifundise. Lokugcoba kwakhe kuyalifundisa ngakho konke, futhi kuqinisile, kakuqambi manga; njengoba lifundile, hlalani kuye.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.