ULevi 6:22 - iBhayibhili Elingcwele 1978

²² Umpristi oyindodana kaAroni, ogcotshiweyo ukuba athathe isikhundla sakhe, uzakuwunikela eNkosini; lokhu kuyisimiso esingelakuphela. Lumnikelo wonke uzakutshiselwa iNkosi.

IBhayibhili Elingcwele LesiNdebele

²² Indodana egcotshelwe ukuthatha isikhundla sika-Aroni njengomphristi yiyo ezalungisa lokho. Kuyisabelo sikaThixo sansukuzonke, njalo kufanele kutshiswe ngokupheleleyo.

ULevi 6:22 ပူးပေါင်းရင်းမြစ်များ

U-Isaya 53:10

Kanti iNkosi yathanda ukuyichoboza kabuhlungu. Uba inikela ukuphila kwayo kube lihlawulo ngesono, izakubona inzalo yayo, iphile insuku ezinengi, lentando yeNkosi ipheleliswe ngayo.

UHosiya 4:8

Badla izono zabantu bami, bayizihwaba zobubi babo.

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

ULevi 4:24

ibeke isandla sayo enhlokweni yembuzi, iyihlabe endaweni lapho kuhlatshelwa khona umnikelo wokutshiswa phambi kweNkosi; kungumnikelo wesono.

ULevi 4:3

uba kungumpristi ogcotshiweyo owona kanjalo, kuze kwehlele icala phezu kwabantu, kanikele eNkosini ngesono sakhe inkunzi engelasici ibe ngumnikelo wesono.

ULevi 6:10

Umpristi uzakugqoka isambatho sakhe selembu elihle, lebhulugwe lakhe lelembu elihle, athathe umlotha womnikelo wokutshiswa otshiswe ngumlilo ealtareni, awubeke ngasealtareni.

ULevi 6:11

Abesekhumula izambatho zakhe, embathe ezinye izambatho, akhuphele umlotha ngaphandle kwezihonqo endaweni ehlambulukileyo.

ULevi 6:21

Uzakulungiselwa emganwini wensimbi ngamafutha. Uwulethe usuxutshanisiwe kuhle, ube ngumnikelo wempuphu onikelwa ngencezu eziphekiweyo, zibe liphunga elimnandi eNkosini.

ULevi 6:23

Yonke iminikelo yempuphu yompristi izakutshiswa, ingadliwa.

ULevi 8:21

Wagezisa imibilini lemilenze ngamanzi, watshisa inqama yonke ealtareni, yaba ngumnikelo wokutshiswa olephunga elimnandi, lomnikelo owenzelwe iNkosi ngomlilo, njengokutsho kwayo kuMose.

UDutheronomi 10:6

— AbakoIsrayeli basuka emithonjeni yaseBenejakani, bahamba bayafika eMosera; uAroni wafela lapho, wangcwatshwa khona; indodana yakhe uEleyazare waba ngumpristi esikhundleni sakhe.

AmaHebheru 7:23

Abapristi bakuqala babebanengi, ngoba bavinjelwa yikufa ukuba bahlale njalo esikhundleni;