ULevi 6:13 - iBhayibhili Elingcwele 1978

¹³ Umlilo uzakuvutha ealtareni kokuphela, ungacimi.

IBhayibhili Elingcwele LesiNdebele

¹³ Umlilo kumele uhlale ubhebha e-alithareni; akumelanga ucitshe.’ ”

ULevi 6:13 ပူးပေါင်းရင်းမြစ်များ

U-Eksodasi 29:1

Yilokhu ozakukwenza kubo ukubahlukanisa ukuba babe ngabapristi bokuphatha umsebenzi wami. Thatha inkabi lenqama ezimbili ezingelasici,

U-Eksodasi 29:2

lesinkwa esingelamvubelo lamaqebelengwana angelamvubelo ahlanganiswe lamafutha, lezinkwa ezincinyane ezingelamvubelo ezigcotshwe ngamafutha, okwenze ngempuphu ecolekileyo;

U-Eksodasi 29:40

kanye lelinye iwundlu unikele ingxenye yehefa lempuphu ecolekileyo ixubene lokwesine kwehini yamafutha okukhanywa, kanye lokwesine kwehini yewayini kube ngumnikelo wokuthululwa.

U-Isaya 31:9

Ngokwesaba lizakubaleka edwaleni lalo, lezinduna zalo zilahle uphawu lwazo ngenxa yovalo. Leli yilizwi leNkosi omlilo wayo useZiyone, lesithando sayo siseJerusalema.

UHezekhiyeli 40:46

lendlu ekhangele inyakatho ngeyabapristi abaphethe ialtare. Ngitsho amadodana kaZadoki okuyiwona wodwa phakathi kwamadodana kaLevi angasondela eNkosini ukuyikhonza.

ULevi 6:12

Umlilo ophezu kwealtare uzakuvutha njalo, ungacimi; zonke insuku ekuseni umpristi uzakuwukhwezela afake inkuni, abeke kuhle umnikelo wokutshiswa phezu kwealtare, atshise kulo amahwahwa eminikelo yokuthula.

ULevi 6:14

Nanku umlayo womnikelo wempuphu. Amadodana kaAroni azakuwunikela phambi kweNkosi, ngaphambi kwealtare.

ULevi 6:9

Laya uAroni lamadodana akhe uthi: Nanku umlayo womnikelo wokutshiswa. Umnikelo wokutshiswa uzakuhlala eziko lealtare ubusuku bonke kuze kuse, lomlilo wealtare uvuthe njalo phezu kwalo.

ULevi 9:24

Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.