ULevi 6:11 - iBhayibhili Elingcwele 1978

¹¹ Abesekhumula izambatho zakhe, embathe ezinye izambatho, akhuphele umlotha ngaphandle kwezihonqo endaweni ehlambulukileyo.

IBhayibhili Elingcwele LesiNdebele

¹¹ Abesekhulula izigqoko lezi agqoke ezinye, athwale umlotha awukhuphele phandle kwezihonqo endaweni ehlanzekileyo ngokomkhuba.

ULevi 6:11 ပူးပေါင်းရင်းမြစ်များ

U-Eksodasi 29:37

Ulenzele ialtare indlela yokubuyisana insuku eziyisikhombisa, ulahlukanisele ialtare, ukuba libe ngcwele kakhulu; lakho konke okulithintayo kuzakuba ngcwele.

UHezekhiyeli 44:19

Nxa sebephumela egumeni elingaphandle besiya ebantwini, bazakhumula izambatho abebezigqoke ekukhonzeni kwabo, bazibeke ezindlini ezingcwele, bagqoke ezinye izigqoko funa bathelele abantu ubungcwele ngezambatho zabo.

ULevi 16:27

Inkunzi yomnikelo wezono lempongo yomnikelo wesono, elangeniswa igazi lazo ukwenza indlela yokubuyisana endaweni engcwele, zizakhutshelwa ngaphandle kwezihonqo; izikhumba zazo, lenyama yazo, lomswane wazo kutshiswe ngomlilo.

ULevi 24:9

Zizakuba ngezikaAroni lezamadodana akhe, bazidle endaweni engcwele; ngoba zingcwele kakhulu, zingezakhe ezivela eminikelweni eyenzelwe iNkosi ngomlilo. Lokhu kuyisimiso esingelakuphela.

ULevi 4:12

yonke inkunzi uzakuyikhuphela ngaphandle kwezihonqo, endaweni ehlambulukileyo, lapho kulahlwa khona umlotha, ayitshise ngezinkuni.

ULevi 4:21

Uzakuyikhuphela inkunzi ngaphandle kwezihonqo, ayitshise njengalokho wayitshisa inkunzi yokuqala; lokhu kungumnikelo wesono webandla.

ULevi 6:10

Umpristi uzakugqoka isambatho sakhe selembu elihle, lebhulugwe lakhe lelembu elihle, athathe umlotha womnikelo wokutshiswa otshiswe ngumlilo ealtareni, awubeke ngasealtareni.

ULevi 6:12

Umlilo ophezu kwealtare uzakuvutha njalo, ungacimi; zonke insuku ekuseni umpristi uzakuwukhwezela afake inkuni, abeke kuhle umnikelo wokutshiswa phezu kwealtare, atshise kulo amahwahwa eminikelo yokuthula.

ULevi 6:20

Lo ngumnikelo uAroni lamadodana akhe abazakuwunikela eNkosini ngosuku lokugcotshwa kwakhe; kabanikele ngengxenye yehefa lempuphu ecolekileyo ibe ngumnikelo wempuphu wensuku zonke, banikele ingxenye yayo ekuseni lengxenye kusihlwa.

ULevi 6:22

Umpristi oyindodana kaAroni, ogcotshiweyo ukuba athathe isikhundla sakhe, uzakuwunikela eNkosini; lokhu kuyisimiso esingelakuphela. Lumnikelo wonke uzakutshiselwa iNkosi.

ULevi 7:6

Bonke abapristi besilisa bangawudla; kawudlelwe endaweni engcwele, ungcwele kakhulu.