ULevi 5:16 - iBhayibhili Elingcwele 1978

¹⁶ Futhi ahlawule ngesiphambeko sakhe esimayelana lezinto ezingcwele afanele ukuba azinikele, engezelele kukho okwesihlanu, akunike umpristi, umpristi amenzele indlela yokubuyisana ngenqama yomnikelo wecala, athethelelwe.

IBhayibhili Elingcwele LesiNdebele

¹⁶ Kumele ahlawule ngesiphambeko sakhe kulokho ayabe ehluleke ukukwenza, okuphathelane lezinto ezingcwele, abesesengezelela ingxenye yokuhlanu yentengo yakho akunike umphristi konke, ozamenzela indlela yokubuyisana ngenqama njengomnikelo wecala, abesethethelelwa.

ULevi 5:16 ပူးပေါင်းရင်းမြစ်များ

AmaHubo 69:4

Abangizondayo ngeze banengi ukwedlula inwele zekhanda lami; balamandla abafuna ukungibulala, bengihlasela ngaphandle kwecala. Lokho engingakuntshontshanga kumele ngikubuyisele na?

U-Eksodasi 22:1

Uba umuntu eseba inkabi loba imvu, ayihlabe ingabe ayithengise, uzahlawula inkabi eyodwa ngenkabi ezinhlanu, lemvu eyodwa ngezimvu ezine. Uzakuhlawula; uba engelalutho, uzathengiswa ngenxa yokweba kwakhe.

ULevi 22:14

Uba umuntu esidla into engcwele engazi, uzakwengezelela kuyo okwesihlanu kwayo, amnike umpristi into engcwele.

ULevi 27:13

Kodwa uba efisa ukuyihlenga, uzakwengezelela okwesihlanu kwayo phezu kwalokho kokulinganisa kwakhe.

ULevi 27:15

Uba lowo oyehlukanisela iNkosi efisa ukuyihlenga, uzakwengezelela phezu kwemali yokulinganiswa kwayo okwesihlanu, indlu ibe ngeyakhe.

ULevi 27:27

Uba liyinyamazana engcolileyo, umuntu angalihlenga ngokunika okulingana lalo, kodwa engezelele kulo okwesihlanu; uba lingahlengwa, lizakuthengiswa ngokulinganiswa kwalo.

ULevi 27:31

Uba umuntu efisa ukuhlenga okuthile okokwetshumi kwakhe, uzakwengezelela kukho okwesihlanu kwakho.

ULevi 4:20

Kenze njalo ngenkunzi le, njengalokhu enza ngenkunzi yomnikelo wesono. Umpristi abenzele indlela yokubuyisana ukuba bathethelelwe.

ULevi 4:26

Wonke amahwahwa awo uzakuwatshisa ealtareni njengamahwahwa omhlatshelo weminikelo yokuthula. Ngalokho umpristi uzayenzela indlela yokubuyisana ngesono sayo, ithethelelwe.

ULevi 5:10

Eyesibili uzakuyilungisa ibe ngumnikelo wokutshiswa njengokwesimiso, umpristi amenzele indlela yokubuyisana ngesono sakhe, athethelelwe.

ULevi 5:13

Ngalokho umpristi uzamenzela indlela yokubuyisana ngesono asenzileyo lakuyiphi yalezizinto, athethelelwe. Okuseleyo kuzakuba ngokompristi, njengomnikelo wempuphu.

ULevi 5:6

alethe umnikelo wecala lakhe eNkosini ngesono asenzileyo, athathe ensikazi emhlambini, imvu loba imbuzi, ibe ngumnikelo wesono, umpristi amenzele indlela yokubuyisana ngesono sakhe.

ULevi 7:2

Umnikelo wecala uzakuhlatshelwa endaweni lapho kuhlatshelwa khona umnikelo wokutshiswa, legazi lawo likhatshazelwe ealtareni inxa zonke.

AmaNani 5:7

uzakuvuma isono sakhe asenzileyo, ahlawule icala lakhe ngokupheleleyo, abesesengezelela okwesihlanu, anike lowomuntu amenzele okubi.

AmaNani 5:8

Kodwa uba lowo engelasihlobo okungahlawulwa kiso icala, ihlawulo elenzelwa iNkosi lizakuba ngelompristi, kanye lenqama yokubuyisana umpristi azamenzela indlela yokubuyisana ngayo.

ULukha 19:8

Kodwa uZakewu wasukuma, wathi eNkosini: Khangela, Nkosi, ngiyabapha abayanga ingxenye yempahla yami; kuthi uba ngimthathele umuntu ulutho ngobuqili, ngilubuyisele luphindwe kane.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

1 USamuyeli 6:3

Bathi: Uba lingawususa umtshokotsho kaNkulunkulu wakoIsrayeli, lingawuhambisi uze, kodwa libowubuyisela ulomnikelo wecala. Ng’khonake lizasila, kubonakale kini ukuba isandla sakhe kasisuki ngani.