ULevi 4:31 - iBhayibhili Elingcwele 1978

³¹ Wonke amahwahwa awo uzakuwasusa, njengalokhu amahwahwa esuswa kuwo umhlatshelo weminikelo yokuthula, umpristi awatshise ealtareni abe liphunga elimnandi eNkosini. Ngalokho umpristi uzamenzela indlela yokubuyisana, athethelelwe.

IBhayibhili Elingcwele LesiNdebele

³¹ Uzakhupha amahwahwa wonke njengalokhu okwenziwa emnikelweni wobudlelwano, njalo umphristi uzawutshisela e-alithareni njengoqhatshi olulephunga elimnandi kuThixo. Ngaleyondlela, umphristi uzamenzela indlela yokubuyisana, abesethethelelwa.

ULevi 4:31 ပူးပေါင်းရင်းမြစ်များ

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

U-Ezra 6:10

ukuze banikele iminikelo ethokozisayo kuNkulunkulu ophezulu, bakhulekele inkosi lamadodana ayo.

UJobe 42:8

Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

U-Eksodasi 29:18

utshise yonke inqama ealtareni, kube ngumnikelo wokutshiswa eNkosini, iphunga elimnandi, lomnikelo owenzelwe iNkosi ngomlilo.

U-Isaya 42:21

Kwayithokozisa iNkosi ngenxa yokulunga kwayo ukuba ikhulise umlayo wayo, iwenze ube lodumo.

U-Isaya 53:10

Kanti iNkosi yathanda ukuyichoboza kabuhlungu. Uba inikela ukuphila kwayo kube lihlawulo ngesono, izakubona inzalo yayo, iphile insuku ezinengi, lentando yeNkosi ipheleliswe ngayo.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:17

ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 14:18

lamagcobo aseleyo asesandleni sakhe kawabeke ekhanda lalowo ozakuhlanjululwa. Ngalokho umpristi uzakumenzela indlela yokubuyisana phambi kweNkosi.

ULevi 15:15

umpristi anikele ngakho, okunye kube ngumnikelo wesono lokunye kube ngumnikelo wokutshiswa; ngalokho umpristi uzakumenzela indlela yokubuyisana phambi kweNkosi ngenxa yengulamakhwa obelayo.

ULevi 19:22

Umpristi uzakumenzela indlela yokubuyisana ngenqama yomnikelo wecala phambi kweNkosi ngenxa yesono asenzileyo, athethelelwe isono sakhe.

ULevi 2:2

awulethe kumadodana kaAroni angabapristi, acuphe kuwo impuphu ecolekileyo lamafutha, kanye lenhlaka yawo yonke; umpristi akutshise lokhu ealtareni kube yisikhumbuzo, umnikelo owenziwe ngomlilo, olephunga elimnandi eNkosini.

ULevi 2:9

Umpristi uzathatha emnikelweni wempuphu okuyisikhumbuzo, akutshise ealtareni, kube ngumnikelo owenziwe ngomlilo, olephunga elimnandi eNkosini.

ULevi 4:19

Uzakuthatha kiyo wonke amahwahwa, awatshise ealtareni.

ULevi 4:26

Wonke amahwahwa awo uzakuwatshisa ealtareni njengamahwahwa omhlatshelo weminikelo yokuthula. Ngalokho umpristi uzayenzela indlela yokubuyisana ngesono sayo, ithethelelwe.

ULevi 4:35

Wonke amahwahwa awo uzakuwasusa njengalokhu amahwahwa emvu esuswa kuwo umhlatshelo weminikelo yokuthula, umpristi awatshise ealtareni phezu kweminikelo eyenzelwe iNkosi ngomlilo. Ngalokho umpristi uzamenzela indlela yokubuyisana ngesono asenzileyo, athethelelwe.

ULevi 5:10

Eyesibili uzakuyilungisa ibe ngumnikelo wokutshiswa njengokwesimiso, umpristi amenzele indlela yokubuyisana ngesono sakhe, athethelelwe.

ULevi 5:6

alethe umnikelo wecala lakhe eNkosini ngesono asenzileyo, athathe ensikazi emhlambini, imvu loba imbuzi, ibe ngumnikelo wesono, umpristi amenzele indlela yokubuyisana ngesono sakhe.

ULevi 8:21

Wagezisa imibilini lemilenze ngamanzi, watshisa inqama yonke ealtareni, yaba ngumnikelo wokutshiswa olephunga elimnandi, lomnikelo owenzelwe iNkosi ngomlilo, njengokutsho kwayo kuMose.

AmaNani 15:25

Umpristi uzakwenzela lonke ibandla labakoIsrayeli indlela yokubuyisana, bathethelelwe, ngoba kakwenziwanga ngabomu, futhi sebelethile eNkosini umnikelo wabo owenzelwe iNkosi ngomlilo, lomnikelo wabo wesono, ngenxa yesiphambeko sabo.

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 10:12

Kodwa uKristu esenikelele isikhathi sonke umhlatshelo waba munye ngenxa yezono, wahlala phansi ngakwesokunene sikaNkulunkulu,

AmaHebheru 10:14

Ngoba ngomnikelo munye uphelelisile okwesikhathi sonke labo abenziwe baba ngcwele.

AmaHebheru 9:12

Wangena kwaba kanye kuphela endaweni engcwele engaliphethe igazi lembuzi lelamathole, kodwa ephethe igazi lakhe; ngalokho wazuza ukukhululwa okungapheliyo.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;