ULevi 4:27 - iBhayibhili Elingcwele 1978

²⁷ Uba umuntukazana esona, engoni ngabomu, esenza lokho iNkosi elaye ngakho ukuthi umuntu angakwenzi, abe lecala,

IBhayibhili Elingcwele LesiNdebele

²⁷ Nxa omunye umuntu phakathi kwendawo angona engakunxwanelanga ukona, enze okwaliwa yimilayo kaThixo, uyabe elecala.

ULevi 4:27 ပူးပေါင်းရင်းမြစ်များ

AmaHubo 19:13

Ilondoloze inceku yakho lasezonweni zangabomu; kazingabusi phezu kwami. Ng’khona ngizakuba ngopheleleyo, ngingabi lacala eziphambekweni ezinkulu.

U-Eksodasi 12:49

Umlayo kawube munye kowokuzalwa elizweni lakowemzini ohlala phakathi kwenu.

UHezekhiyeli 45:17

Kuzakuba ngumsebenzi wesikhulu ukunika iminikelo yokutshiswa leminikelo yempuphu leminikelo yokuthululwa emikhosini, ngesikhathi sokuthwasa kwenyanga, langamaSabatha, lakuyo yonke imikhosi emisiweyo yakoIsrayeli. Sizanikela umnikelo wesono lomnikelo wempuphu lomnikelo wokutshiswa lomnikelo wokuthula ukubenzela ukubuyisana labakoIsrayeli.

UHezekhiyeli 45:20

Uzakwenza okufananayo ngosuku lwesikhombisa lwenyanga ngenxa yomuntu owonileyo ngokuphosisa langokungazi, ukuze ulenzele ithempeli ukubuyisana.

ULevi 4:13

Uba lonke ibandla lakoIsrayeli lisona, lingoni ngabomu, lesono sifihlelwe abantu, benze lokho iNkosi elaye ngakho ukuthi bangakwenzi, babe lecala,

ULevi 4:2

Tshono ebantwini bakoIsrayeli uthi: Uba umuntu esona, engoni ngabomu, esenza lokho iNkosi elaye ngakho ukuthi umuntu angakwenzi,

ULevi 4:22

Nxa induna isona, ingoni ngabomu, isenza lokho iNkosi elaye ngakho ukuthi umuntu angakwenzi, loba kuyini, ibe lecala,

ULevi 5:17

Uba umuntu esona, esenza lokho iNkosi elaye ngakho ukuthi umuntu angakwenzi lanxa engakwazi, ulecala, njalo uzathwala ububi bakhe.

ULevi 9:15

Waseletha umnikelo wabantu, wathatha imbuzi yomnikelo wesono ongowabantu, wayihlaba, wanikela ngayo ngenxa yesono, njengomnikelo wokuqala.

AmaNani 15:16

Kuzakuba lomthetho munye kini lakowemzini ophakathi kwenu.

AmaNani 15:22

Kodwake uba liduha, lingagcini yonke imilayo le iNkosi eyinike uMose,

AmaNani 15:27

Uba umuntu oyedwa esona engoni ngabomu, uzanikela ngesibhuzikazi esilomnyaka munye, sibe ngumnikelo wesono.

AmaNani 15:29

Umlayo wenu uzakuba munye kubo bonke abangoni ngabomu, abakoIsrayeli, labemzini abahlala phakathi kwenu.

AmaNani 5:6

Tshono ebantwini bakoIsrayeli uthi: Uba owesilisa loba owesifazana esenza isono esenziwa ngabantu abangathembekanga eNkosini, lowomuntu ulecala,