ULevi 4:21 - iBhayibhili Elingcwele 1978

²¹ Uzakuyikhuphela inkunzi ngaphandle kwezihonqo, ayitshise njengalokho wayitshisa inkunzi yokuqala; lokhu kungumnikelo wesono webandla.

IBhayibhili Elingcwele LesiNdebele

²¹ Kakhuphele inkunzi phandle kwezihonqo, abeseyitshisa njengalokho akwenza inkunzi yakuqala. Lo ngumnikelo wesono okazulu wonke.

ULevi 4:21 ပူးပေါင်းရင်းမြစ်များ

U-Ezra 8:35

Ngalesosikhathi labo ababebuyile ekuthunjweni banikela, kwaba ngumnikelo wokutshiswa kuNkulunkulu kaIsrayeli, inkunzi ezilitshumi lambili zinikelelwa uIsrayeli wonke, lezinqama ezingamatshumi aficamunwemunye lesithupha, lamawundlu angamatshumi ayisikhombisa lesikhombisa; banikela lempongo ezilitshumi lambili, zaba ngumnikelo wesono; konke lokhu kwaba ngumnikelo wokutshiselwa iNkosi uNkulunkulu.

U-Eksodasi 29:14

Kodwa inyama yenkunzi lesikhumba sayo lomswane wayo ukutshise ngomlilo ngaphandle kwezihonqo, ngoba kungumnikelo wesono.

UHezekhiyeli 45:22

Ngalolosuku isikhulu sizazidingela kanye labo bonke abantu belizwe inkunzi ibe ngumnikelo wesono.

ULevi 16:15

Abesehlaba impongo engumnikelo wesono ozanikelelwa abantu, alethe igazi layo ngaphakathi kweveli, enze ngegazi layo njengokwenza kwakho ngegazi lenkunzi, afafaze ngalo isihlalo somusa langaphambi kwesihlalo somusa.

ULevi 16:21

uAroni abeke izandla zakhe enhlokweni yempongo ephilayo, avume bonke ububi babantu bakoIsrayeli, leziphambeko zabo, lezono zabo zonke, azibeke enhlokweni yempongo, ayithumele ngomuntu olungiselwe lokho, iye enkangala.

ULevi 16:27

Inkunzi yomnikelo wezono lempongo yomnikelo wesono, elangeniswa igazi lazo ukwenza indlela yokubuyisana endaweni engcwele, zizakhutshelwa ngaphandle kwezihonqo; izikhumba zazo, lenyama yazo, lomswane wazo kutshiswe ngomlilo.

ULevi 4:13

Uba lonke ibandla lakoIsrayeli lisona, lingoni ngabomu, lesono sifihlelwe abantu, benze lokho iNkosi elaye ngakho ukuthi bangakwenzi, babe lecala,

ULevi 4:20

Kenze njalo ngenkunzi le, njengalokhu enza ngenkunzi yomnikelo wesono. Umpristi abenzele indlela yokubuyisana ukuba bathethelelwe.

ULevi 6:11

Abesekhumula izambatho zakhe, embathe ezinye izambatho, akhuphele umlotha ngaphandle kwezihonqo endaweni ehlambulukileyo.

ULevi 6:23

Yonke iminikelo yempuphu yompristi izakutshiswa, ingadliwa.

ULevi 8:17

Kodwa inkunzi, lesikhumba sayo, lenyama yayo, lomswane wayo wakutshisa ngomlilo ngaphandle kwezihonqo, njengalokhu iNkosi imlayile.

AmaNani 15:24

kuzakuthi uba kungenziwanga ngabomu, lebandla belingakwazi, lonke ibandla lizanikela ngenkunzi ibe ngumnikelo wokutshiswa, kube liphunga elimnandi eNkosini, kanye lomnikelo wempuphu lomnikelo wokuthululwa okuqondene layo njengomthetho, linikele futhi lempongo ibe ngumnikelo wesono.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

AmaHebheru 13:11

Izidumbu zalezozinyamazana, igazi lazo elingeniswa ngumpristi omkhulu endaweni engcwele ngenxa yezono, zitshiswa ngaphandle komuzi.