ULevi 4:20 - iBhayibhili Elingcwele 1978

²⁰ Kenze njalo ngenkunzi le, njengalokhu enza ngenkunzi yomnikelo wesono. Umpristi abenzele indlela yokubuyisana ukuba bathethelelwe.

IBhayibhili Elingcwele LesiNdebele

²⁰ abesesenza enkunzini le lokho akwenza enkunzini yomnikelo wesono. Ngalokho umphristi uzabenzela indlela yokubuyisana phakathi kwabo, njalo bazathethelelwa.

ULevi 4:20 ပူးပေါင်းရင်းမြစ်များ

U-Eksodasi 32:30

Kusisa uMose wathi ebantwini: Lenze isono esikhulu; khathesi sengizakukhuphukela eNkosini; mhlawumbe ngingenza indlela yokubuyisana esonweni senu.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

ULevi 1:4

Uzakubeka isandla sakhe enhlokweni yomnikelo wokutshiswa, ukuze wamukelwe ngenxa yakhe, umenzele indlela yokubuyisana.

ULevi 12:8

Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.

ULevi 14:18

lamagcobo aseleyo asesandleni sakhe kawabeke ekhanda lalowo ozakuhlanjululwa. Ngalokho umpristi uzakumenzela indlela yokubuyisana phambi kweNkosi.

ULevi 15:15

umpristi anikele ngakho, okunye kube ngumnikelo wesono lokunye kube ngumnikelo wokutshiswa; ngalokho umpristi uzakumenzela indlela yokubuyisana phambi kweNkosi ngenxa yengulamakhwa obelayo.

ULevi 19:22

Umpristi uzakumenzela indlela yokubuyisana ngenqama yomnikelo wecala phambi kweNkosi ngenxa yesono asenzileyo, athethelelwe isono sakhe.

ULevi 4:21

Uzakuyikhuphela inkunzi ngaphandle kwezihonqo, ayitshise njengalokho wayitshisa inkunzi yokuqala; lokhu kungumnikelo wesono webandla.

ULevi 4:26

Wonke amahwahwa awo uzakuwatshisa ealtareni njengamahwahwa omhlatshelo weminikelo yokuthula. Ngalokho umpristi uzayenzela indlela yokubuyisana ngesono sayo, ithethelelwe.

ULevi 4:35

Wonke amahwahwa awo uzakuwasusa njengalokhu amahwahwa emvu esuswa kuwo umhlatshelo weminikelo yokuthula, umpristi awatshise ealtareni phezu kweminikelo eyenzelwe iNkosi ngomlilo. Ngalokho umpristi uzamenzela indlela yokubuyisana ngesono asenzileyo, athethelelwe.

ULevi 4:8

Uzakuthatha wonke amahwahwa enkunzi yomnikelo wesono, idanga lemibilini, lawo wonke amahwahwa asemibilinini,

ULevi 5:10

Eyesibili uzakuyilungisa ibe ngumnikelo wokutshiswa njengokwesimiso, umpristi amenzele indlela yokubuyisana ngesono sakhe, athethelelwe.

ULevi 5:13

Ngalokho umpristi uzamenzela indlela yokubuyisana ngesono asenzileyo lakuyiphi yalezizinto, athethelelwe. Okuseleyo kuzakuba ngokompristi, njengomnikelo wempuphu.

ULevi 5:16

Futhi ahlawule ngesiphambeko sakhe esimayelana lezinto ezingcwele afanele ukuba azinikele, engezelele kukho okwesihlanu, akunike umpristi, umpristi amenzele indlela yokubuyisana ngenqama yomnikelo wecala, athethelelwe.

ULevi 5:18

Kalethe kumpristi inqama engelasici evela emhlambini, elentengo elingana lentengo yomnikelo wecala, umpristi amenzele indlela yokubuyisana ngesiphambeko sakhe asenzileyo angasenzanga ngabomu, athethelelwe.

ULevi 5:6

alethe umnikelo wecala lakhe eNkosini ngesono asenzileyo, athathe ensikazi emhlambini, imvu loba imbuzi, ibe ngumnikelo wesono, umpristi amenzele indlela yokubuyisana ngesono sakhe.

ULevi 6:7

umpristi amenzele indlela yokubuyisana phambi kweNkosi, athethelelwe konke akwenzileyo waba lecala ngakho.

AmaNani 15:25

Umpristi uzakwenzela lonke ibandla labakoIsrayeli indlela yokubuyisana, bathethelelwe, ngoba kakwenziwanga ngabomu, futhi sebelethile eNkosini umnikelo wabo owenzelwe iNkosi ngomlilo, lomnikelo wabo wesono, ngenxa yesiphambeko sabo.

AmaNani 15:28

Umpristi uzamenzela lowomuntu indlela yokubuyisana phambi kweNkosi, uba engonanga ngabomu, uzathethelelwa.

AbaseRoma 5:11

Kakusikho lokhu kuphela, kodwa sizincoma futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana.

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 2:17

Ngakhoke kwamfanela ukuba abe njengabafowabo kukho konke, ukuze abe ngumpristi omkhulu olesihawu lothembekileyo enkonzweni kaNkulunkulu, ukuba abe yinhlawulo yezono zabantu.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 2:2

Yena uyinhlawulo yezono zethu, kungesizo ezethu zodwa, kodwa lezomhlaba wonke.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,