ULevi 3:17 - iBhayibhili Elingcwele 1978

¹⁷ Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

IBhayibhili Elingcwele LesiNdebele

¹⁷ Lokhu kuzakuba yisimiso esingapheliyo ezizukulwaneni zenu zonke, kuzozonke izindawo elihlala kuzo. Akumelanga lidle yiloba ngumhlobo bani wamahwahwa kumbe igazi.’ ”

ULevi 3:17 ပူးပေါင်းရင်းမြစ်များ

UGenesisi 9:4

Kodwa inyama okukuyo ukuphila, okutsho igazi, kalisoze liyidle.

2 ImiLando 29:35

Ngaphandle kobunengi beminikelo yokutshiswa kwakukhona amahwahwa leminikelo yokuthula leminikelo yokuthululwa, leminikelo yokutshiswa. Yabuyiselwa ngokunjaloke inkonzo yethempeli.

UNehemiya 8:10

UEzra wasesithi kibo: Hambani kuhle, lidle inyama enonileyo, linathe iwayini elimnandi, labelane labo izabelo bonke abangelalutho; ngoba lolusuku lungcwele eNkosini yethu, kungabi khona ukudana, ngoba ukuthokoza ngeNkosi kungamandla enu.

U-Eksodasi 27:21

Ethenteni lokuhlangana ngaphandle kweveli eliphambi kobufakazi, uAroni lamadodana akhe bazakuzilondoloza phambi kweNkosi, kusukela kusihlwa kuze kube sekuseni; kuzakuba yisimiso esingapheliyo esizagcinwa ngabakoIsrayeli ezizukulwaneni zonke.

U-Eksodasi 28:43

uAroni lamadodana akhe bawagqoke lapho bengena ethenteni lokuhlangana lalapho besondela ealtareni ukuba bakhonze endaweni engcwele, funa babe lecala, bafe. Kuzakuba yisimiso esingapheliyo kuye lakuyo inzalo yakhe emva kwakhe.

UHezekhiyeli 33:25

Ngalokhoke tshono kibo uthi: INkosi uNkulunkulu ithi: Lidla inyama elegazi, liphakamisele amehlo enu ezithombeni zenu, lichithe igazi; lizahlala kilo ilizwe na?

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

ULevi 10:15

Umlenze onikelwayo lesifuba esizunguzwayo bazakukuletha kanye leminikelo yamahwahwa eyenziwe ngomlilo, ukuze kuzunguzwe, kube ngumnikelo wokuzunguzwa phambi kweNkosi, kube yisabelo sakho lesamadodana akho kokuphela, njengokulaya kweNkosi.

ULevi 10:9

Unganathi iwayini lotshwala, wena lamadodana akho, nxa lingena ethenteni lokuhlangana ukuba lingafi. Lokhu kuzakuba yisimiso esingelakuphela ezizukulwaneni zenu.

ULevi 16:29

Lokhu kuzakuba yisimiso esingelakuphela kini sokuthi ngosuku lwetshumi lwenyanga yesikhombisa lizakuzithoba, lingasebenzi, owokuzalwa elizweni lowemzini ohlala phakathi kwenu.

ULevi 16:34

Lokhu kuzakuba yisimiso esingelakuphela kini, ukuze indlela yokubuyisana yenzelwe abantu bakoIsrayeli kanye ngomnyaka ngenxa yazo zonke izono zabo. UMose wenzake njengokulaya kweNkosi.

ULevi 17:7

Ngakhoke kabasayikuhlabela omoya ababi imihlatshelo yabo, ababesiya kubo ukuphinga sebengidela. Lokhu kuzakuba yisimiso esingelakuphela kubo ezizukulwaneni zabo.

ULevi 19:26

Lingadli lutho olulegazi. Lingenzi imilingo, lingavumisi.

ULevi 23:14

Kaliyikudla isinkwa, lomumbu okhanzingiweyo, lezikhwebu ezintsha, kuze kufike lolosuku, lingakalethi umnikelo kaNkulunkulu wenu. Lokhu kuyisimiso esingelakuphela ezizukulwaneni zenu, kuyo yonke imizi yenu.

ULevi 23:21

Lizamemezela ngalolosuku, lenze inkonzo enkulu, lingasebenzi. Lokhu kuyisimiso esingelakuphela kuyo yonke imizi yenu ezizukulwaneni zenu.

ULevi 24:3

Ngaphandle kweveli lobufakazi, ethenteni lokuhlangana, uAroni uzakuzilondoloza phambi kweNkosi, kusukela kusihlwa kuze kube sekuseni; lokhu kuzakuba yisimiso esingelakuphela ezizukulwaneni zenu.

ULevi 24:9

Zizakuba ngezikaAroni lezamadodana akhe, bazidle endaweni engcwele; ngoba zingcwele kakhulu, zingezakhe ezivela eminikelweni eyenzelwe iNkosi ngomlilo. Lokhu kuyisimiso esingelakuphela.

ULevi 3:16

Umpristi uzakukutshisa ealtareni kube yikudla, kube ngumnikelo owenziwe ngomlilo olephunga elimnandi. Wonke amahwahwa ngaweNkosi.

ULevi 4:1

INkosi yathi kuMose:

ULevi 6:15

Kakucutshwe impuphu ecolekileyo yomnikelo wempuphu, lamafutha awo kanye lenhlaka yonke ephezu komnikelo wempuphu, kutshiswe ealtareni kube yisikhumbuzo lephunga elimnandi eNkosini.

ULevi 6:18

Bonke abantwana besilisa bakaAroni bangakudla, ngoba kuyisabelo sabo kokuphela ezizukulwaneni zenu esivela eminikelweni eyenzelwe iNkosi ngomlilo; bonke abakuthintayo bazakuba ngcwele.

ULevi 6:22

Umpristi oyindodana kaAroni, ogcotshiweyo ukuba athathe isikhundla sakhe, uzakuwunikela eNkosini; lokhu kuyisimiso esingelakuphela. Lumnikelo wonke uzakutshiselwa iNkosi.

ULevi 7:23

Tshono ebantwini bakoIsrayeli uthi: Lingadli amahwahwa enkomo lawemvu lawembuzi.

ULevi 7:34

Ngoba isifuba esizunguzwayo lomlenze onikelwayo ngikuthethe ebantwini bakoIsrayeli, emihlatshelweni yeminikelo yabo yokuthula, ngakunika uAroni umpristi lamadodana akhe; lokhu kuyisimiso esingelakuphela kubantu bakoIsrayeli ezizukulwaneni zabo.

ULevi 7:36

INkosi yalaya ukuba abakoIsrayeli babanike lokhu ngosuku lokugcotshwa kwabo. Kuyisimiso esingelakuphela ezizukulwaneni zabo zonke.

AmaNani 19:21

Lokhu kuzakuba yisimiso esingelakuphela kubo. Lowo ofafazayo ngamanzi okuhlambulula uzagezisa ingubo zakhe; lalowo othinta amanzi okuhlambulula uzakuba ngongcolileyo kuze kuhlwe.

UMatewu 16:24

UJesu wasesithi kubafundi bakhe: Uba umuntu ethanda ukungilandela, kazidele, athathe isiphambano sakhe, angilandele.

UMatewu 26:28

ngoba lokhu kuligazi lami lesivumelwano elichithelwa abanengi ukuthethelelwa kwezono.

Imisebenzi 15:29

zokuthi lizile okuhlatshelwe izithombe, legazi, lokukhanyiweyo, lokufeba; uba lizilondoloza kulezizinto, lobe lenze kuhle. Salani kuhle.

Abase-Efesu 1:7

Ngaye silokuhlengwa ngegazi lakhe, lokuthethelelwa kweziphambeko zethu ngokwenotho yomusa wakhe

Abase-Efesu 5:26

ukuze azahlukanisele lona, eselihlambulule ngokuligezisa ngamanzi langelizwi,

UDutheronomi 12:16

Kodwa lingadli igazi; lichitheleni emhlabathini njengamanzi.

UDutheronomi 12:23

Kodwake nanzelelani ukuba lingadli igazi, ngoba igazi liyikuphila, kaliyikudla ukuphila kanye lenyama.

UDutheronomi 12:24

Lingabokudla igazi, kodwa lichitheleni emhlabathini njengamanzi.

UDutheronomi 15:23

Kodwake lingadli igazi lalo; lilichithele emhlabathini njengamanzi.

UDutheronomi 32:14

lezankefu zezinkomo, lochago lwezimbuzi, kanye lamafutha amawundlu lawezinqama, inkomo zaseBashani lezimbuzi, lamabele amahle; wanatha iwayini, igazi lezithelo zesivini.

1 uTimothi 4:4

Ngoba konke okwadalwa nguNkulunkulu kuhle, kakulahlwa lutho uba lwamukelwa ngokubonga;