ULevi 27:30 - iBhayibhili Elingcwele 1978

³⁰ Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

IBhayibhili Elingcwele LesiNdebele

³⁰ Okwetshumi kwakho konke okwelizwe, ingabe ngamabele avela emhlabathini kumbe izithelo ezivela ezihlahleni, ngokukaThixo; kungcwele kuThixo.

ULevi 27:30 ပူးပေါင်းရင်းမြစ်များ

UGenesisi 14:20

Kabongwe uNkulunkulu oPhezukonke onikele esandleni sakho izitha zakho. UAbrama wasemnika okwetshumi okwempango yonke.

UGenesisi 28:22

lelitshe leli engilimise ukuba libe yinsika yokukhonzela lizakuba yindlu kaNkulunkulu; kukho konke ozangipha khona ngizakukunika okwetshumi.

UGenesisi 47:24

Kuzakuthi ekuvuneni limnike uFaro okwesihlanu, lezingxenye ezine zibe ngezenu, kube yinhlanyelo yamasimu lokudla kwenu lokudla kwemizi yenu, lokudla kwabantwana benu.

UGenesisi 47:26

UJosefa wenza umthetho mayelana lelizwe laseGibithe omiyo lalamhla wokuthi okwesihlanu kuzakuba ngokukaFaro; isiqinti sabapristi sodwa yiso esasingesiso sikaFaro.

2 ImiLando 31:12

Baziletha izipho zabo ngobuqotho, okwetshumi lezinto ezinikelwayo. Induna enkulu eyayibaphethe yayinguKonaniya umLevi, elandelwa nguShimeyi umfowabo;

UNehemiya 12:44

Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

UNehemiya 13:12

Bonke abakoJuda basebeletha okwetshumi kwamabele lokwewayini lokwamafutha eziphaleni.

UNehemiya 13:5

walungisela uTobiya indlu enkulu lapho ababekade befake khona umnikelo wempuphu lempepha lezitsha zethempeli lokwetshumi kwamabele lokwewayini lokwamafutha, okwakumiswe ngomlayo ukuba kunikwe amaLevi labahlabeleli labalindi bamasango leziphiwo zabapristi.

ULevi 27:29

Umuntu oqalekisiweyo angeke ahlengwe; uzakubulawa.

ULevi 27:31

Uba umuntu efisa ukuhlenga okuthile okokwetshumi kwakhe, uzakwengezelela kukho okwesihlanu kwakho.

UMatewu 23:23

Maye kini babali labaFarisi, bazenzisi! ngoba lithela okwetshumi kwemfe, lolude, lamakhomane, liyekele izinto ezinkulu zomlayo, ukulunga lesihawu lokuthembeka. Belifanele ukukwenza lokhu lingakuyekeli lalokho.

ULukha 11:42

Kodwa maye kini baFarisi! ngoba lithela okwetshumi kwemfe, lamakhomane, lokwemibhida yonke, lingananzeleli ukulunga lokumthanda uNkulunkulu. Belifanele ukukwenza lokhu, lingakuyekeli lalokho.

ULukha 18:12

Mina ngizila ukudla kabili ngeviki, nginikela okwetshumi kukho konke engilakho.

UDutheronomi 18:8

adle isabelo sokudla esilingana lezabelo zabo, ngaphandle kwalokho akuzuze ngokuthengisa impahla yakhe.

UDutheronomi 26:12

Lapho usuqedile ukunika okwetshumi kwezithelo zakho ngomnyaka wesithathu, ongumnyaka wokunika okwetshumi, usukunike umLevi lowemzini lentandane lomfelwakazi ukuba badle basuthe emizini yakho,