ULevi 26:8 - iBhayibhili Elingcwele 1978

⁸ Abahlanu benu bazaxotsha abalikhulu, labalikhulu benu bazaxotsha abazinkulungwane ezilitshumi; izitha zenu zizakubulawa phambi kwenu empini.

IBhayibhili Elingcwele LesiNdebele

⁸ Abahlanu benu bazaxotsha abalikhulu, kuthi abalikhulu benu baxotshe abayinkulungwane, njalo izitha zenu zizakuwa ngenkemba phambi kwenu.

ULevi 26:8 ပူးပေါင်းရင်းမြစ်များ

1 ImiLando 11:11

Nanka amabizo amaqhawe kaDavida; uJashobeyamu waseHakimoni owayeyinduna yabathathu; nguye owagiya ngomkhonto wakhe phezu kwabangamakhulu amathathu, wababulala ngasikhathi sinye.

1 ImiLando 11:20

UAbishayi umfowabo kaJowabi wayeyinduna yabangamatshumi amathathu. Wagiya ngomkhonto wakhe phezu kwabangamakhulu amathathu, wababulala, wazizuzela ibizo phakathi kwalabo abangamatshumi amathathu.

U-Esta 9:16

Abanye abaJuda basemazweni enkosi babehlangene ukuba bazivikele, bakhululwa ezitheni zabo, babulala abazinkulungwane ezingamatshumi ayisikhombisa lanhlanu kulabo ababazondayo; kodwa kabathathanga impango.

ULevi 26:7

Lizakuxotsha izitha zenu, ziwe phambi kwenu empini.

UZakhariya 12:8

Ngalolosuku iNkosi izavikela abakhileyo eJerusalema ukuze ngalolosuku obuthakathaka phakathi kwabo abe lamandla njengoDavida, lendlu kaDavida ibe njengoNkulunkulu, njengesithunywa seNkosi esahamba phambi kwabo.

AmaNani 14:9

Kodwa lingayivukeli iNkosi; futhi lingesabi abantu balelolizwe, ngoba sizabadla sibaqede. Kabaselaso isivikelo; iNkosi ilathi; ngakho lingabesabi.

AmaNani 31:4

Thumelani empini abayinkulungwane kuleso lalesosizwe sakoIsrayeli.

UDutheronomi 28:7

Izitha zenu ezilivukelayo iNkosi izakuzinqoba phambi kwenu; zizakuphuma ukulihlasela ngandlelanye, zibaleke ngezindlela eziyisikhombisa.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

UJoshuwa 23:10

Umuntu oyedwa phakathi kwenu angaxotsha abantu abayinkulungwane, ngoba yiNkosi uNkulunkulu wenu elilwelayo njengokuthembisa kwayo.

Abahluleli 15:15

Wasefumana umhlathi omutsha kababhemi, welula isandla sakhe wawudobha, wabulala ngawo abantu abayinkulungwane.