ULevi 26:25 - iBhayibhili Elingcwele 1978

²⁵ Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

IBhayibhili Elingcwele LesiNdebele

²⁵ Njalo ngizaletha lenkemba phezu kwenu ukuba kuphindiselwe ukwephulwa kwesivumelwano. Lingahlehlela emadolobheni enu, ngizathumela isifo phakathi kwenu, linikelwe lezandleni zezitha.

ULevi 26:25 ပူးပေါင်းရင်းမြစ်များ

2 USamuyeli 24:15

Ngakho iNkosi yasithumela umkhuhlane kuIsrayeli, kusukela ekuseni kwaze kwaba sesikhathini esimisiweyo; kwafa abantu abayizinkulungwane ezingamatshumi ayisikhombisa kusukela koDani kwaze kwaba seBerisheba.

1 AmaKhosi 8:33

Lapho abantu bakho bakoIsrayeli besahlulwa yizitha zabo ngoba bonile kuwe, uba bephenduka, balivume ibizo lakho, bakhuleke kuwe bekuncenga kulindlu,

1 AmaKhosi 8:37

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezele imizi yabo, loba behlutshwa yikuphi ukufa lomkhuhlane,

2 AmaKhosi 17:3

Wahlaselwa nguShalimaneseri inkosi yaseAsiriya, uHosheya wathela kuye.

2 ImiLando 24:24

Lanxa impi yamaSiriya yayilabantu abalutshwana, iNkosi uNkulunkulu yanikela kuyo impi enkulu kakhulu, ngoba abakoJuda babeyilahlile iNkosi, uNkulunkulu wabakhokho babo. Ngalokho uJowashi wehlelwa ngokumfaneleyo.

AmaHubo 94:1

Nkosi, wena Nkulukulu wempindiselo, wena Nkulunkulu wempindiselo, ziveze!

U-Eksodasi 5:3

Basebesithi: UNkulunkulu wamaHeberu wahlangana lathi; ngakho ake usivumele ukuba sihambe ummango wezinsuku ezintathu siye enkangala, siyihlabele iNkosi uNkulunkulu wethu, funa isehlele ngesifo langempi.

U-Isaya 1:20

kodwa uba lisala lihlamuka, lizadliwa ngomkhonto; ngoba iNkosi isikhulumile.

U-Isaya 65:12

ngizakulimisela umkhonto, lonke lizakhothamela ukuhlatshwa; ngoba kwathi lapho ngilibiza, kalasabele, lalapho ngikhuluma, kalilalelanga, kodwa lenza okubi emehlweni ami, lakhetha lokho engingakuthandiyo.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 24:10

Ngizabehlisela impi lendlala lomkhuhlane, baze babhubhe baphele elizweni engibanika lona lokhokho babo.

UJeremiya 50:28

Zwaninike, ababalekayo labaphunyukayo bavela elizweni laseBabiloni, ukuba bamemeze eZiyone ukuphindisela kweNkosi uNkulunkulu wethu, impindisela yethempeli layo.

UJeremiya 51:11

Lolani imitshoko, lithathe izihlangu. INkosi ivusile umoya wamakhosi amaMede, ngoba ilecebo lokulichitha iBabiloni, ngoba lokho kuyimpindiselo yeNkosi, impindiselo yethempeli layo.

UJeremiya 9:16

Ngizabachithela ezizweni abangazanga bazazi bona labokhokho babo, ngibalandisele ngempi, ngize ngibaqede.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHezekhiyeli 14:17

Uba ngisehlisela ukulwa kulelolizwe ngithi: Impi kayidabule phakathi kwelizwe, iqede kulo abantu lezinyamazana,

UHezekhiyeli 20:37

Ngizalidlulisa ngaphansi kwentonga, ngilingenise esivumelwaneni,

UHezekhiyeli 29:8

Ngakhoke iNkosi uNkulunkulu ithi: Ngizakukulethela impi, ngiqede phakathi kwakho abantu lezinyamazana;

UHezekhiyeli 33:2

Ndoda, tshono kibo abantu bakini uthi: Uba ngiletha impi elizweni, labantu belizwe bathathe omunye phakathi kwabo, bambeke abe ngumlindi wabo,

UHezekhiyeli 5:17

Ngizalithumela indlala lezilo zeganga, zibulale abantwana benu; isifo legazi kudabule phakathi kwenu; ngililethele impi. Mina Nkosi ngikhulumile.

UHezekhiyeli 6:3

uthi: Lina zintaba zakoIsrayeli, zwanini ilizwi leNkosi uNkulunkulu. INkosi uNkulunkulu ithi ezintabeni lasemaqaqeni lasezifuleni lasezihotsheni: Mina uqobo ngizakwehlisela phezu kwenu umkhonto, ngivale indawo zenu eziphakemeyo zokukhonzela.

UHosiya 11:6

Impi izatheleka emizini yabo, yaphule lemigoqo yamasango ayo, ibadle ezinqabeni zabo.

ULevi 26:6

Ngizakulinika ukuthula elizweni, lilale lingethuswa muntu, ngisuse inyamazana ezimbi elizweni, lempi kayiyikuhlasela elizweni lakini.

uAmosi 4:10

Ngathumela phakathi kwenu isifo esifana lesaseGibithe, ngabulala insizwa zenu empini, ngathumba amabhiza enu; ngenza ukuba isihonqo senu sinuke kakhulu; kanti kaliphendukelanga kimi, kutsho iNkosi.

UHabhakhukhi 3:5

Isifo sahamba phambi kwakhe, lomkhuhlane walandela eduze.

AmaNani 14:12

Ngizakubehlisela umkhuhlane, ngibafulathele, ngikwenze wena ube yisizwe esikhulu lesilamandla kulabo.

AmaNani 16:49

Labo abafa ngomkhuhlane babezinkulungwane ezilitshumi lane, lamakhulu ayisikhombisa, ngaphandle kwalabo abafa ngendaba kaKora.

AmaNani 31:3

UMose wathi ebantwini: Abanye benu kabahlomele impi ukuba balwe lamaMidiyani, baphindiselele iNkosi kumaMidiyani.

ULukha 21:11

kuzakuba khona ukuzamazama komhlaba okukhulu indawo ngendawo, kube khona lendlala, lemikhuhlane, lezinto ezesabekayo, lezibonakaliso ezivela ezulwini.

UDutheronomi 28:21

INkosi izalinamathelisa isifo, lize liphele elizweni elingena kulo ukulithumba.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

UDutheronomi 32:35

Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

UDutheronomi 32:41

nxa ngilola umhedla wami ocwazimulayo, lesandla sami sibambelela ekwahluleleni, ngizakubaphindisela abamelene lami. ngibe lempindiselo kwabangizondayo.

Abahluleli 15:11

Abantu bakoJuda abazinkulungwane ezintathu basuka baya obhalwini lweliwa laseEtamu, bathi kuSamsoni: Kawazi yini ukuba amaFilistiya yiwo asibusayo na? Pho, kuyini lokhu osenzele khona na? Yena wathi kibo: Ngenze njengokwenza kwawo kimi.