ULevi 26:19 - iBhayibhili Elingcwele 1978

¹⁹ ngiqede amandla enu aziphakamisileyo, ngenze amazulu enu abe njengensimbi ukuze izulu lingani, lomhlabathi wenu ube njengethusi;

IBhayibhili Elingcwele LesiNdebele

¹⁹ Ngizabudiliza ubuqholo bokuzazisa kwenu, ngenze umkhathi phezu kwenu ube njengensimbi, kuthi umhlabathi ngaphansi kwenu ube njengethusi.

ULevi 26:19 ပူးပေါင်းရင်းမြစ်များ

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

1 AmaKhosi 8:35

Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

U-Isaya 2:12

Ngoba iNkosi yamabandla ilosuku elulindisele konke okuzigqajayo lokuzikhukhumezayo, lakho konke okuziphakamisayo lokuphakemeyo,

U-Isaya 25:11

Uzakwelula izandla zakhe phakathi kwalo njengomuntu ontshezayo eselulela izandla zakhe ukuba antsheze; kodwa iNkosi izachitha ukuzikhukhumeza kwakhe, kanye lemisebenzi yezandla zakhe.

U-Isaya 26:5

Ibehlisele phansi abahlala engqongeni, emzini ophakemeyo. Iwudilizele phansi, yawuphosela ethulini.

U-Isaya 28:1

Maye kuyo imiqhele yokuzikhukhumeza yezikhulu zakoEfrayimi ezidakiweyo, lakuwo amaluba ayo amahle ngoba ayabuna; aphezu kwamakhanda abadakiweyo agcotshwe ngamakha amahle, bona beqedwe ngutshwala.

UJeremiya 13:9

INkosi ithi: Ngalindlela ngizakuchitha ukuziqhenya kukaJuda lokuziqhenya okukhulu kweJerusalema.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 30:6

INkosi ithi: Labo abasekela iGibithe bazakufa, lamandla alo aziphakamisileyo ehliselwe phansi; kusukela eMigidoli ngasenyakatho kuze kube seSiyene ngaseningizimu bazabulawa empini, kutsho iNkosi uNkulunkulu.

UHezekhiyeli 33:28

Ngizalichitha ilizwe libe yinkangala, lamandla alo aziphakamisayo azaphela, lentaba zakoIsrayeli zibe yinkangala ukuba kungadluli muntu kuzo.

UHezekhiyeli 7:24

ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UZefaniya 3:11

Ngalolosuku lina bantu bami, kaliyikuyangeka ngenxa yezenzo eliphambuka ngazo kimi, ngoba ngizakhupha phakathi kwenu labo abazikhukhumezayo; kalisayikuziphakamisa entabeni yami engcwele.

ULukha 4:25

Kodwa ngeqiniso ngithi kini: Kwakukhona koIsrayeli abafelwakazi abanengi ensukwini zikaElija, lapho izulu lalivalekile iminyaka emithathu lenyanga eziyisithupha, kwaba khona indlala enkulu elizweni lonke;

UDutheronomi 11:17

leNkosi ilithukuthelele, ivale izulu ukuba lingani, lelizwe lingabe lisathela isithelo, libhubhe masinyane lina elizweni elihle iNkosi elinika lona.

UDutheronomi 28:23

Isibhakabhaka ngaphezu kwenu sizakuba lithusi, lomhlabathi ngaphansi kwenu ube yinsimbi.

1 USamuyeli 4:11

Wathunjwa umtshokotsho kaNkulunkulu, lamadodana womabili kaEli, uHofini loFiniyasi, abulawa.

1 USamuyeli 4:3

Kwathi lapho amabutho efika ezihonqweni, abadala bakoIsrayeli bathi: INkosi isibulaleleni lamhla phambi kwamaFilistiya na? Asiyethatha eShilo umtshokotsho wesivumelwano seNkosi, siwulethe lapha ukuze ize phakathi kwethu isisize ezandleni zezitha zethu.