ULevi 26:16 - iBhayibhili Elingcwele 1978

¹⁶ ngizakwenza kini lokhu, ngehlisele phezu kwenu ukwesaba okukhulu, lofuba, lomkhuhlane ozakufiphaza amehlo, liphele amandla. Lizakuhlanyelela inhlanyelo yenu ize, ngoba izitha zenu zizakuyidla.

IBhayibhili Elingcwele LesiNdebele

¹⁶ ngizakwenza lokhu kini: Ngizalilethela ukwesaba okukhulu, izifo ezicikizayo, loqhuqho oluzafiphaza amehlo enu, lunciphise impilo yenu. Lizahlanyela inhlanyelo ingasizi ngalutho, ngoba izitha zenu zizayidla.

ULevi 26:16 ပူးပေါင်းရင်းမြစ်များ

1 AmaKhosi 8:37

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezele imizi yabo, loba behlutshwa yikuphi ukufa lomkhuhlane,

UJobe 18:11

Ukwesaba kuyamethusa inxa zonke, kuxotshane laye enyaweni zakhe.

UJobe 20:25

uphutshe emhlana wakhe, umcijo udabule inyongo yakhe;

UJobe 31:8

kangihlanyele, kudle omunye, lokuhlanyelelwe mina kusitshulwe.

AmaHubo 109:6

Umvusele lowo ozakumfumana elecala omelana laye ammangalele.

AmaHubo 73:19

Yeka ukuchitheka kwabo masinyane! Bakhukhulwa baqedwa yikwesaba.

AmaHubo 78:33

Ngakho waziqeda insuku zabo ngeze, leminyaka yabo ngenhlupheko enkulu.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

Izaga 3:33

Isiqalekiso seNkosi sisendlini yababi, kodwa iyawubusisa umuzi wabalungileyo.

U-Isaya 10:4

Okwenu yikuba liguqe phakathi kwabathunjiweyo, lilale phakathi kwababuleweyo. Kukho konke lokhu ukuthukuthela kwayo kakupheli, isiphakamisile isandla sayo sokutshaya futhi.

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

U-Isaya 7:2

Lapho kubikwa endlini kaDavida ukuthi iSiriya ihlangene loEfrayimi, uAhazi labantu bakhe bathuthumela njengezihlahla zinyikinywa ngumoya.

UJeremiya 12:13

Bahlanyele amabele, bavuna ameva, bazidinise ngokusebenza, kodwa kabazuzanga lutho. Bazakuba lenhloni ngezivuno zabo, ngenxa yolaka oluvuthayo lweNkosi.

UJeremiya 15:3

Ngizabamisela inhlobo ezine zababulali, kutsho iNkosi, ngitsho umkhonto wokubulala, izinja zokubabamba, inyoni zaphezulu, lenyamazana zeganga zokubadla lokubabhubhisa.

UJeremiya 15:8

Ngandisile abafelwakazi baba banengi ukwedlula itshebetshebe lolwandle, ngehlisela phezu kwabonina bamajaha umbulali emini; ngenza usizi lokwesaba kwehlela phezu kwabo bengananzeleli.

UJeremiya 20:4

Ngoba iNkosi ithi: Ngizakukwenza ukuba ube yinto eyesabekayo kuwe uqobo lakubo bonke abangane bakho. Bazabulawa ngomkhonto wezitha zabo, ukhona wena ukhangele. Ngizanikela bonke abakoJuda esandleni senkosi yaseBabiloni, ibathumbe, ibase eBabiloni, ibabulale.

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

UHezekhiyeli 24:23

Lizathwala amaqhiye enu, lifake amanyathelo enu enyaweni zenu, lingalili likhale, kodwa lizaphela amandla ezonweni zenu, libubule omunye komunye.

UHezekhiyeli 33:10

Wenake, ndoda, tshono kuIsrayeli uthi: Lina lithi: Iziphambeko zethu lezono zethu zisehlele, siyaphela ngenxa yazo; sizakuphila njani na?

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

UMikha 6:15

Lizahlanyela, kodwa lingavuni; likhame izithelo zamaoliva, kodwa lingagcobi ngamafutha awo; lizakhama izithelo zevini, kodwa linganathi iwayini lazo.

UHagayi 1:6

Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

UZakhariya 14:12

Nansi isifo iNkosi ezakusehlisela bonke abantu abahlasela iJerusalema; inyama yabo izabola besemi ngenyawo zabo, lamehlo abo abolele emikhoxweni yawo, lenlimi zabo zibolele emilonyeni yabo.

UMalaki 2:3

Ngizakhalimela inzalo yenu, ngilithele ngomswane ebusweni, umswane weminikelo yenu, ngilixotshe ebusweni bami.

UDutheronomi 28:51

Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

AmaHebheru 10:31

Kuyesabeka ukuwela ezandleni zikaNkulunkulu ophilayo.

Abahluleli 6:11

Kwasekufika isithunywa seNkosi, sahlala ngaphansi kwesihlahla esikhulu eOfira, esasingesikaJowashi umAbiyezeri, indodana yakhe uGidiyoni yayibhula amabele esikhamelweni sewayini, iwafihlele amaMidiyani.

1 USamuyeli 2:33

Lowo engizamyekela ukuba akhonze ealtareni lami, amehlo akhe azafiphala, inhliziyo yakhe idabuke; layo yonke inzalo yendlu yakho izabulawa ngomhedla.