ULevi 26:13 - iBhayibhili Elingcwele 1978

¹³ NgiyiNkosi uNkulunkulu wenu owalikhupha elizweni laseGibithe ukuba lingabi yizigqili zabo; ngephule izikeyi zejogwe lenu, ngenza ukuba lihambe liqondile.

IBhayibhili Elingcwele LesiNdebele

¹³ Mina nginguThixo uNkulunkulu wenu owalikhupha elizweni laseGibhithe ukuze lingabi yizigqili zamaGibhithe futhi. Ngizaphule izikeyi zejogwe lenu njalo ngenza ukuba lenelise ukuhamba amakhanda enu ephakeme.’ ”

ULevi 26:13 ပူးပေါင်းရင်းမြစ်များ

AmaHubo 116:16

Nkosi, ngiyinceku yakho, ngiyinceku yakho lendodana yencekukazi yakho. Wena uqamule izibopho zami.

U-Eksodasi 14:8

INkosi yayenza yaba lukhuni inhliziyo kaFaro inkosi yaseGibithe, wabalandela ngoba baphuma bengesabi lutho.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

U-Isaya 51:23

ngizakuyinika abakuhluphayo, abathi kuwe; Cambalala, ukuze sidlule phezu kwakho; wasusenza umhlane wakho ube njengomhlabathi, lanjengendlela yokuba bahambe ngayo.

U-Isaya 9:3

Nkosi, ubanikile ukujabula, wakhulisa ukuthokoza kwabo; bayathokoza phambi kwakho njengokuthokoza kwasesikhathini sokuvuna, bathokoza njengabantu lapho besahlukaniselana impango.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 28:2

INkosi yamabandla, uNkulunkulu kaIsrayeli, ithi: Ngilephulile ijogwe lenkosi yaseBabiloni.

UJeremiya 28:4

Ngibuyise kulindawo futhi uJekoniya indodana kaJehoyakimi, inkosi yakoJuda, labo bonke abathunjwayo koJuda basiwa eBabiloni, ngoba ngizalephula ijogwe lenkosi yaseBabiloni, kutsho iNkosi.

UHezekhiyeli 30:18

ETahafanesi ukukhanya kuzakuba mnyama, lapho ngiqeda khona ukubusa kweGibithe, lamandla aziphakamisileyo azaphela, lamayezi afike phezu kwalo, kuthunjwe lamadodakazi alo.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UHosiya 11:4

Ngabadonsa ngamagoda omusa langezintambo zothando, ngenza kibo njengomuntu ophakamisela umntwana emlonyeni ukumanga, ngakhothama kibo, ngabanika ukudla.

ULevi 25:38

NgiyiNkosi uNkulunkulu wakho owakukhupha elizweni laseGibithe ukukunika ilizwe laseKanani, ngibe nguNkulunkulu wakho.

ULevi 25:42

Ngoba bayizinceku zami engabakhupha elizweni laseGibithe; kabayikuthengiswa babe yizigqili —

ULevi 25:55

Ngoba kimi abantu bakoIsrayeli bayizinceku, bayizinceku zami engabakhupha eGibithe. NgiyiNkosi uNkulunkulu wenu.

UNahume 1:13

Sengizakwaphula ijogwe elikuwe, ngiqamule izibopho zakho.