ULevi 26:1 - iBhayibhili Elingcwele 1978

¹ Lingazenzeli izithombe, lingamisi izithombe ezibaziweyo lensika yokukhonzela, lingamisi elizweni lakini ilitshe elilemifanekiso ukuba likhothamele kulo; ngoba ngiyiNkosi uNkulunkulu wenu.

IBhayibhili Elingcwele LesiNdebele

¹ “ ‘Lingazenzeli izithombe loba imifanekiso kumbe amatshe akhonzwayo, njalo lingafaki matshe elizweni lenu ukuba liwakhothamele. Mina nginguThixo uNkulunkulu wenu.

ULevi 26:1 ပူးပေါင်းရင်းမြစ်များ

2 AmaKhosi 17:10

bazimisela insika zokukhonzela lensika zikankulunkulukazi uAshera phezu kwawo wonke amaqaqa langaphansi kwazo zonke izihlahla ezinkulu.

2 AmaKhosi 17:16

Bayephula yonke imilayo yeNkosi uNkulunkulu wabo, bazenzela izithombe ezikhandiweyo ezamathole amabili, benza insika zikankulunkulukazi uAshera, bakhonza zonke inkanyezi zaphezulu, bakhonza loBali.

2 AmaKhosi 17:8

benza imikhuba yezizwe iNkosi eyayizixotshe phambi kwabo, lemikhuba eyayimiswe ngamakhosi akoIsrayeli.

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

AmaHubo 97:7

Bayayangeka bonke abakhonza izithombe, abazikhukhumeza ngezithombe eziyize; onkulunkulu bonke bayakhothama phambi kwayo.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 20:23

Lingenzi onkulunkulu besiliva ukuba babe khona kanye lami, lingazenzeli onkulunkulu begolide.

U-Eksodasi 23:24

Ungakhothameli onkulunkulu babo, ungabakhonzi, ungenzi njengokwenza kwabo; kodwa ubachithe impela, ubhidlize insika ezingcwele zabo.

U-Eksodasi 34:17

Ungazenzeli onkulunkulu ababunjiweyo.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

ULevi 25:55

Ngoba kimi abantu bakoIsrayeli bayizinceku, bayizinceku zami engabakhupha eGibithe. NgiyiNkosi uNkulunkulu wenu.

ULevi 7:33

Leyondodana kaAroni enikela ngegazi leminikelo yokuthula lamahwahwa izakuzuza umlenze wokunene ube yisabelo sayo.

AmaNani 33:52

xotshani bonke abakhileyo elizweni phambi kwenu, libulale wonke amatshe abo alemifanekiso, lichithe zonke izithombe zabo ezibunjiweyo, livale zonke indawo zabo eziphakemeyo zokukhonzela,

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

UDutheronomi 27:15

Kaqalekiswe umuntu owenza isithombe esibaziweyo lesibunjiweyo, into eyisinengiso eNkosini, umsebenzi wezandla zomuntu oyingcitshi, asimise ensitha. Bonke abantu bazakuthi: Ameni.

UDutheronomi 5:6

NgiyiNkosi uNkulunkulu wakho, eyakukhupha eGibithe, endaweni yobugqili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

Abahluleli 18:30

AbakoDani bazimisela isithombe. UJonathani indodana kaGereshoma, kaMose, lamadodana akhe baba ngabapristi esizweni sakoDani kwaze kwaba lusuku lokuthunjwa kwelizwe.