ULevi 23:3 - iBhayibhili Elingcwele 1978

³ Umsebenzi uzakwenziwa insuku eziyisithupha; kodwa usuku lwesikhombisa luzakuba liSabatha lokuphumula, lube lusuku lwenkonzo enkulu; lingasebenzi ngalo; luyiSabatha eNkosini kuyo yonke imizi yenu.

IBhayibhili Elingcwele LesiNdebele

³ “ ‘Kulensuku eziyisithupha elingasebenza ngazo, kodwa usuku lwesikhombisa liSabatha lokuphumula, usuku lomhlangano ongcwele. Lingenzi loba yiwuphi umsebenzi; kuzozonke izindawo elihlala kuzo, luliSabatha likaThixo.’ ”

ULevi 23:3 ပူးပေါင်းရင်းမြစ်များ

U-Eksodasi 16:23

Wathi kuzo: Yikho iNkosi ekutshiloyo ukuthi: Kusasa kulusuku lokuphumula, iSabatha elingcwele leNkosi. Yosani lokho okufanele ukosiwa, lipheke lokho okufanele ukuphekwa, lizibekele lokho okuseleyo ukuba kugcinwe kuze kube sekuseni.

U-Eksodasi 16:29

Njengoba iNkosi ilinikile iSabatha, iyalinika ngosuku lwesithupha isinkwa sensuku ezimbili; hlalani kube yilowo lalowo endaweni yakhe, kungaphumi muntu endaweni yakhe ngosuku lwesikhombisa.

U-Eksodasi 16:30

Ngakho abantu baphumula ngosuku lwesikhombisa.

U-Eksodasi 23:12

Ngensuku eziyisithupha uzakwenza umsebeni wakho, uphumule ngosuku lwesikhombisa, kuphumule futhi lenkabi yakho labobabhemi bakho, kuvuseleleke indodana yencekukazi yakho kanye lowezizweni.

U-Eksodasi 34:21

Sebenza insuku eziyisithupha, kodwa uphumule ngosuku lwesikhombisa, langesikhathi sokulima lesokuvuna.

U-Isaya 56:2

Ubusisiwe umuntu owenza lokhu, lomuntu ebambelela kukho, ogcina iSabatha, engaloni, lothinta isandla sakhe ukuba singenzi okubi.

U-Isaya 56:6

Labezizwe abazihlanganisa leNkosi ukuyikhonza lokuthanda ibizo layo, babe yizinceku zayo, bonke abagcina iSabatha, bengaloni, bebambelela esivumelwaneni sami,

U-Isaya 58:13

INkosi ithi: Uba ungoni iSabatha, ungenzi umsebenzi wakho ngosuku lwami olungcwele, ulibize iSabatha ngokuthi liyintokozo, losuku olungcwele lweNkosi ngokuthi lulodumo, uba ulihlonipha ngokungahambi langokungasebenzi ngalo, langokungakhulumi ize,

ULevi 19:3

Wonke umuntu kahloniphe unina loyise. Gcinani amaSabatha ami; ngiyiNkosi uNkulunkulu wenu.

ULukha 13:14

Kodwa umphathi wesinagoge, ethukuthele ngoba uJesu esilise ngeSabatha, wathi ebantwini: Zikhona insuku eziyisithupha okufanele ukusetshenzwa ngazo; ngakhoke wozani ngalezonsuku, lisiliswe, lingezi ngosuku lweSabatha.

ULukha 23:56

Basebebuyela emuva, balungisa amakha lamagcobo. NgeSabatha baphumula njengomlayo.

Imisebenzi 15:21

Ngoba uMose ulabo abamtshumayelayo emizini yonke kusukela ezizukulwaneni zasendulo, uyafundwa emasinagogeni amaSabatha wonke.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi: