ULevi 22:18 - iBhayibhili Elingcwele 1978

¹⁸ Tshono kuAroni, lamadodana akhe, labantu bonke bakoIsrayeli, uthi: Lapho umuntu owendlu kaIsrayeli, loba owabezizweni abakoIsrayeli, enikela umnikelo wakhe owokugcwalisa isithembiso, loba owesihle, onikelwa eNkosini ube ngumnikelo wokutshiswa,

IBhayibhili Elingcwele LesiNdebele

¹⁸ “Tshela u-Aroni lamadodana akhe labo bonke abako-Israyeli uthi loba ngubani kubo, owako-Israyeli loba owezizweni ohlala ko-Israyeli, oletha isipho somhlatshelo kuThixo egcwalisa isifungo loba umnikelo wokuzithandela,

ULevi 22:18 ပူးပေါင်းရင်းမြစ်များ

2 ImiLando 31:14

UKore indodana kaImna umLevi, umgcini wesango langasempumalanga, wayephethe iminikelo yesihle kaNkulunkulu ukwaba iziphiwo ezinikelwe eNkosini lezinto ezingcwele kakhulu.

AmaHubo 116:14

Ngizakugcwalisa izifungo zami eNkosini phambi kwabantu bayo bonke.

AmaHubo 116:18

Ngizakugcwalisa izifungo zami eNkosini phambi kwabantu bayo bonke,

AmaHubo 22:25

Kuvela kuwe ukudumisa kwami ebandleni elikhulu; izithembiso zami ngizakuzigcwalisa phambi kwalabo abayesabayo.

AmaHubo 56:12

Nkulunkulu, izithembiso zami kuwe ngizakuzigcwalisa; ngizakunikela kuwe iminikelo yokubonga.

AmaHubo 61:5

Ngoba wena, Nkulunkulu, uzwile izithembiso zami, wanginika isabelo sabesaba ibizo lakho.

AmaHubo 61:8

Ng’khona ngizakulidumisa ibizo lakho kuze kube nininini, lapho ngigcwalisa izithembiso zami insuku ngensuku.

AmaHubo 65:1

Sifanele ukukudumisa, wena Nkulunkulu, eZiyone, lezifungo zenziwe kuwe.

AmaHubo 66:13

Ngizakungena endlini yakho ngileminikelo yokutshiswa, ngizakugcwalisa kuwe izifungo zami,

U-Eksodasi 12:5

Kalingabi lasici, libe ngeliduna elilomnyaka munye; lithatheni ezimvini loba ezimbuzini.

UmTshumayeli 5:4

Lapho usenza isifungo kuNkulunkulu ungaphuzi ukusigcwalisa, ngoba kathokozi ngezithutha; gcwalisa isifungo sakho.

ULevi 1:10

Uba umnikelo wakhe ungumnikelo wemihlambi, owezimvini loba owezimbuzini, uzanikela ngenduna engelasici;

ULevi 1:2

Tshono ebantwini bakoIsrayeli uthi: Nxa umuntu wakini eletha umnikelo eNkosini, kathathe umnikelo wakhe enkomeni loba ezimvini.

ULevi 17:10

Uba umuntu wendlu kaIsrayeli, loba owemzini ohlala phakathi kwabo, esidla igazi, ngizakumelana laye olidlayo, ngimkhuphe ebantwini bakibo.

ULevi 17:13

Uba omunye wabantu bakoIsrayeli, loba owemzini ohlala phakathi kwabo, ezingela abambe inyamazana ingabe inyoni edliwayo, kachithe igazi layo, aligqibele ngomhlabathi.

ULevi 22:17

INkosi yathi kuMose:

ULevi 23:38

kanye lamaSabatha eNkosi, leziphiwo zenu, leminikelo yenu yonke yokugcwalisa izithembiso, leminikelo yenu yonke yesihle, elinikela ngayo eNkosini.

ULevi 7:16

Uba umhlatshelo womnikelo wakhe ungumnikelo wokugcwalisa isithembiso loba umnikelo wesihle, uzakudliwa ngosuku anikela ngalo ngomhlatshelo wakhe, okuseleyo kuwo kudliwe kusisa;

uAmosi 4:5

linikele umhlatshelo wenu wokubonga ngokuwutshelweyo, limemezele iminikelo yesihle liyizwakalise! ngoba lithanda ukwenza njalo lina bakoIsrayeli, kutsho iNkosi uNkulunkulu.

UJona 1:16

Amadoda ayesaba kakhulu iNkosi, ayihlabela umhlatshelo, enza izithembiso.

UJona 2:9

Kodwa mina ngizanikela umnikelo ngikudumise ngelizwi lokubonga, ngigcwalise izithembiso zami; ukukhulula kungokweNkosi.

UNahume 1:15

Bonani ezintabeni inyawo zakhe oletha indaba ezinhle, omemezela ukuthula. Gcina imikhosi yakho, Juda, ugcwalise izifungo zakho, ngoba omubi kasayikumelana lawe futhi, uchithiwe waphela nya.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

AmaNani 15:3

thathani ezinkomeni ingabe ezimvini, linikele eNkosini umnikelo owenziwe ngomlilo, loba kungumnikelo wokutshiswa loba kungumhlatshelo, owokugcwalisa isithembiso, loba owesihle, loba owemikhosi yenu emisiweyo, ukwenza iphunga elimnandi eNkosini.

Imisebenzi 18:18

Kwathi uPawuli esehlale khona insuku ezinengi, wavalelisa abazalwane, wasuka ngomkolo, waya eSiriya kanye loPrisila loAkwila; wagela inwele zakhe eKenikreya, ngoba wayezibophe ngesifungo.

UDutheronomi 12:17

Lingadleli emizini yenu okwetshumi kwamabele enu lokwewayini lenu lokwamafutha enu, loba amazibulo ezinkomo zenu lawezimvu zenu, loba iminikelo yokugcwalisa izithembiso zenu elizithembisayo, loba iminikelo yenu yesihle, lomnikelo wokuphana kwenu;

UDutheronomi 12:6

lilethe iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yokugcwalisa izithembiso zenu, leminikelo yesihle, lamazibulo ezinkomo zenu lawezimvu zenu;

UDutheronomi 16:10

Ng’khona lizakuyigcinela iNkosi uNkulunkulu wenu umkhosi wamaviki ngokupha umnikelo wesihle ngezandla zenu, liwunike njengokubusiswa kwenu yiNkosi uNkulunkulu wenu.