ULevi 2:10 - iBhayibhili Elingcwele 1978

¹⁰ Okuseleyo komnikelo wempuphu kuzakuba ngokukaAroni lokwamadodana akhe; yikhu okungcwele kakhulu eminikelweni eyenzelwe iNkosi ngomlilo.

IBhayibhili Elingcwele LesiNdebele

¹⁰ Okuseleyo emnikelweni wamabele ngokuka-Aroni lamadodana akhe, yingxenye engcwele kakhulu yomhlatshelo wokudla onikelwa kuThixo.

ULevi 2:10 ပူးပေါင်းရင်းမြစ်များ

2 ImiLando 31:14

UKore indodana kaImna umLevi, umgcini wesango langasempumalanga, wayephethe iminikelo yesihle kaNkulunkulu ukwaba iziphiwo ezinikelwe eNkosini lezinto ezingcwele kakhulu.

U-Ezra 2:63

Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

UHezekhiyeli 44:29

Bazakudla umnikelo wempuphu lomnikelo wesono lomnikelo wecala, konke okwahlukaniselwe iNkosi koIsrayeli kuzakuba ngokwabo.

UHezekhiyeli 46:20

Wathi kimi: Yiyo le indawo lapho abapristi bazaphekela khona umnikelo wecala lomnikelo wesono, lalapho bazakuphekela khona umnikelo wempuphu ukuba bangayikhupheli egumeni elingaphandle, bathelele abantu ubungcwele.

ULevi 10:12

UMose wathi kuAroni lakuEleyazare loIthamari, amadodana akhe aseleyo: Thathani umnikelo wempuphu oseleyo eminikelweni eyenzelwe iNkosi ngomlilo, liwudle ungelamvubelo ngaseceleni kwealtare, ngoba ungcwele kakhulu;

ULevi 14:13

ahlabe iwundlu endaweni engcwele lapho kuhlatshelwa khona umnikelo wesono lomnikelo wokutshiswa; ngoba umnikelo wecala ungowompristi, njengomnikelo wesono, ungcwele kakhulu.

ULevi 2:3

Okuseleyo komnikelo wempuphu kuzakuba ngokukaAroni lokwamadodana akhe; yikhu okungcwele kakhulu eminikelweni eyenzelwe iNkosi ngomlilo.

ULevi 21:22

Kuvunyelwa ukuba adle ukudla kukaNkulunkulu wakhe, lokho okungcwele lalokho okungcwele kakhulu,

ULevi 5:13

Ngalokho umpristi uzamenzela indlela yokubuyisana ngesono asenzileyo lakuyiphi yalezizinto, athethelelwe. Okuseleyo kuzakuba ngokompristi, njengomnikelo wempuphu.

ULevi 6:16

Okuseleyo kuwo uAroni lamadodana akhe bazakukudla, bakudle njengezinkwa ezingelamvubelo endaweni engcwele, egumeni lethente lokuhlangana.

ULevi 6:23

Yonke iminikelo yempuphu yompristi izakutshiswa, ingadliwa.

ULevi 6:9

Laya uAroni lamadodana akhe uthi: Nanku umlayo womnikelo wokutshiswa. Umnikelo wokutshiswa uzakuhlala eziko lealtare ubusuku bonke kuze kuse, lomlilo wealtare uvuthe njalo phezu kwalo.

ULevi 7:7

Umnikelo wecala ufanana lomnikelo wesono; umlayo wayo munye, ungowompristi owenza indlela yokubuyisana ngawo.

AmaNani 18:9

Lokhu kuzakuba ngokwakho ezintweni ezingcwele kakhulu, ezingafakwa emlilweni wealtare; yonke iminikelo yabo, layo yonke iminikelo yabo yempuphu, layo yonke iminikelo yabo yesono, layo yonke iminikelo yabo yecala abayinikela kimi, izakuba ngcwele kakhulu, ibe ngeyakho leyamadodana akho.

1 USamuyeli 2:28

Ngamkhetha yena kuzo zonke izizwe zakoIsrayeli ukuba abe ngumpristi wami, aye ealtareni lami, atshise impepha, agqoke ingubo yamahlombe phambi kwami; ngayinika indlu kayihlo yonke iminikelo yokutshiswa yabantu bakoIsrayeli.