ULevi 19:34 - iBhayibhili Elingcwele 1978

³⁴ Owezizweni ohlala lani uzakuba njengowokuzalwa elizweni phakathi kwenu, limthande njengalokhu lizithanda lina; ngoba lani lalingabantu bezizweni elizweni laseGibithe. NgiyiNkosi uNkulunkulu wenu.

IBhayibhili Elingcwele LesiNdebele

³⁴ Owezizweni ohlala phakathi kwenu kumele laye aphathwe njengowakini. Limthande njengoba lizithanda lina, ngoba lalingabezizweni eGibhithe. Mina yimi uThixo uNkulunkulu wenu.

ULevi 19:34 ပူးပေါင်းရင်းမြစ်များ

AmaHubo 146:9

INkosi iyazigcina izihambi, isekele umfelwakazi lezintandane; kodwa indlela yababi iyayichitha.

U-Eksodasi 22:21

Lingamoni umuntu wezizweni, lingamhluphi; ngoba lani lalingabantu bezizweni kwelaseGibithe.

UHezekhiyeli 47:22

Lilabe libe ngelenu lelabezizwe abahlala phakathi kwenu, bezala abantwana phakathi kwenu. Bazakuba njengamadodana azalelwe koIsrayeli. Kanye lani bazakwabelwa ilizwe phakathi kwezizwe zakoIsrayeli.

ULevi 19:18

Lingaphindiseli, lingabi lasikhwili labantwana babakini; thandani umakhelwane wenu njengalokhu lizithanda lina. NgiyiNkosi.

ULevi 19:3

Wonke umuntu kahloniphe unina loyise. Gcinani amaSabatha ami; ngiyiNkosi uNkulunkulu wenu.

AmaNani 10:32

Uba uhamba lathi, okuhle iNkosi ezakusenzela khona, lathi sizakukwenzela khona.

UMatewu 5:43

Lizwile kwathiwa: Wothanda umakhelwane wakho, uzonde isitha sakho.

UDutheronomi 10:19

Ngakhoke bathandeni abezizweni, ngoba lalingabezizweni eGibithe.

UDutheronomi 23:7

Lingazondi owaseEdoma, ngoba ungumfowenu; lingazondi umGibithe, ngoba lalihlala elizweni lakibo.

UDutheronomi 23:8

Abantwana besizukulwana sesithathu abazalwa yibo bangangena ebandleni leNkosi.

URuthe 2:10

URuthe wasesithi mbo ngobuso bakhe phansi, wathi kuye: Ngifumanelani umusa emehlweni akho ukuba unginanze mina engingowezizweni na?