ULevi 19:12 - iBhayibhili Elingcwele 1978

¹² Lingafungeli ibizo lami amanga, lize lihlambaze ibizo likaNkulunkulu wenu. NgiyiNkosi.

IBhayibhili Elingcwele LesiNdebele

¹² Lingafungi amanga ngebizo lami, beselingcolisa ibizo likaNkulunkulu wenu. NginguThixo.

ULevi 19:12 ပူးပေါင်းရင်းမြစ်များ

AmaHubo 15:4

emehlweni akhe omubi uyenyanyeka, kodwa uyabazisa labo abayesabayo iNkosi, elondoloza isifungo sakhe loba elimala ngenxa yaso,

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

U-Isaya 48:1

Zwana lokhu, wena ndlu kaJakobe, obizwa ngebizo likaIsrayeli, owenzalo kaJuda, ofunga ibizo leNkosi, odumisa uNkulunkulu kaIsrayeli, kodwa kungesikho ngeqiniso.

UJeremiya 34:16

kodwake seliphendukile futhi, lalingcolisa ibizo lami lapho ilowo lalowo wenu ebuyisa isigqili sakhe lesigqilikazi sakhe ebelizikhululile njengokufisa kwazo, lazibuyisa futhi, zaba yizigqili zenu.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UJeremiya 5:2

Loba besithi: Ngifunga iNkosi; kanti bafunga amanga nje.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

ULevi 20:3

Minake ngizamelana lalowomuntu, ngimkhuphe ebantwini bakibo, ngoba enikele ngomunye wabantwana bakhe kuMoloki, wangcolisa indlu yami engcwele, wahlambaza ibizo lami elingcwele.

ULevi 24:11

wahlambaza iBizo elingcwele, wathuka. Waselethwa kuMose. Ibizo likanina lalinguShelomithi, indodakazi kaDibiri, owesizwe sakoDani.

ULevi 6:3

ingabe efumana lokho obekulahlekile, akuphike, aqambe amanga ngakho — ngitsho kwenye yalezozinto umuntu ayenzayo, one ngayo —

UZakhariya 5:3

Sasesisithi kimi: Lokhu kuyisiqalekiso esiphumela emhlabeni wonke; ngoba ngokutsho kwaso umuntu owebayo uzakulahlwa, langokutsho kwaso wonke umuntu ofunga amanga uzakulahlwa.

UZakhariya 5:4

Ngizasithumela, kutsho iNkosi yamabandla, singene endlini yesela lendlini yalowo ofunga amanga ngebizo lami, sihlale endlini yakhe, siyidilize, izigodo lamatshe.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UDutheronomi 5:11

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.

UJakhobe 5:12

Kodwa kukho konke, bazalwane bami, lingafungi; lingafungi ngezulu, loba ngomhlaba, loba ngesinye isifungo. Kodwa uyebo wenu kabe nguyebo, loatshi wenu kabe nguatshi, ukuze lingalahlwa.