ULevi 18:30 - iBhayibhili Elingcwele 1978

³⁰ Ngakhoke gcinani imilayo yami ukuba lingenzi lalinye lalawomasiko amabi ayesenziwa ngaphambi kwenu, lingazingcolisi ngawo. NgiyiNkosi uNkulunkulu wenu.

IBhayibhili Elingcwele LesiNdebele

³⁰ Gcinani iziqondiso zami, lingalandeli izindlela zamanyala lemikhuba eyayilandelwa ngabantu abalandulelayo, njalo lingazingcolisi ngayo. Mina nginguThixo uNkulunkulu wenu.’ ”

ULevi 18:30 ပူးပေါင်းရင်းမြစ်များ

1 AmaKhosi 14:24

Kwakukhona elizweni lonke lamadoda ayengamawule emathempelini. Abantu balingisela wonke amanyala ezizwe iNkosi eyayizichithile phambi kwabakoIsrayeli.

1 AmaKhosi 21:26

Wenza amanyala amabi ekukhonzeni kwakhe izithombe esenza konke okwenziwa ngamaAmori iNkosi eyawaxotsha phambi kwabakoIsrayeli,

U-Ezra 9:1

Kwathi sekwenziwe konke lokho, izinduna zeza kimi zathi: AbakoIsrayeli labapristi lamaLevi kabazahlukanisanga labantu bezizwe lamanyala abo, amaKanani lamaHethi lamaPerizi lamaJebusi lamaAmoni lamaMowabi lamaGibithe lamaAmori.

ULevi 18:29

Ngoba bonke abantu abenza lezizinto ezimbi bazakukhutshwa ebantwini bakibo.

ULevi 19:1

INkosi yathi kuMose:

ULevi 20:23

Kaliyikuhamba ngamasiko esizwe engisixotshayo phambi kwenu; benza zonke lezozinto, ngakho nganengwa yibo.

ULevi 22:9

Ngakhoke kabagcine imilayezelo yami, bangabi lasono ngayo; uba beyihlambaza, bazakufa. NgiyiNkosi ebenzayo ukuba babe ngcwele.

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UDutheronomi 12:30

qaphelani ukuba lingakhohliswa lizilandele emva kokuchithwa kwazo ngaphambi kwenu, lokuba lingabuzi ngonkulunkulu bazo lithi: Izizwe lezi zazikhonza kanjani onkulunkulu bazo na? Lathi sizakwenza njalo.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

Abahluleli 20:6

Ngamthatha, ngamquma iziqa, ngazithumela kulo lonke ilizwe lakoIsrayeli, ngoba lawomadoda enza amanyala lobubi koIsrayeli.