ULevi 18:24 - iBhayibhili Elingcwele 1978

²⁴ Lingazingcolisi ngalezizinto, ngoba izizwe engizixotsha phambi kwenu ziyazingcolisa ngazo.

IBhayibhili Elingcwele LesiNdebele

²⁴ Lingazingcolisi noma kungayiphi yalezizindlela, ngoba yizo izindlela izizwe engizazidudula phambi kwenu ezazingcolisa ngazo.

ULevi 18:24 ပူးပေါင်းရင်းမြစ်များ

UGenesisi 15:16

Esizukulwaneni sesine izakubuya lapha; ngoba ububi bamaAmori kabukapheleli.

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 ImiLando 33:2

Wenza okubi phambi kweNkosi, walingisa amanyala awezizwe iNkosi eyazixotsha phambi kwabakoIsrayeli.

U-Ezra 9:1

Kwathi sekwenziwe konke lokho, izinduna zeza kimi zathi: AbakoIsrayeli labapristi lamaLevi kabazahlukanisanga labantu bezizwe lamanyala abo, amaKanani lamaHethi lamaPerizi lamaJebusi lamaAmoni lamaMowabi lamaGibithe lamaAmori.

AmaHubo 106:39

Bangcola ngokunjalo ngemisebenzi yabo, benza ukuphinga ngezenzo zabo.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UHezekhiyeli 36:17

Ndoda, lapho uIsrayeli esahlala elizweni lakhe, walingcolisa ngendlela zakhe langezenzo zakhe, ukuziphatha kwakhe phambi kwami kwakufana lokungcola kowesifazana osemfuleni.

ULevi 18:3

Lingenzi njengokwenza kwamaGibithe lapho lalihlala khona, lingenzi futhi njengokwenza kwamaKanani engiliholela kuwo. Lingahambi ngemithetho yabo.

ULevi 18:30

Ngakhoke gcinani imilayo yami ukuba lingenzi lalinye lalawomasiko amabi ayesenziwa ngaphambi kwenu, lingazingcolisi ngawo. NgiyiNkosi uNkulunkulu wenu.

AmaNani 35:34

Kaliyikungcolisa ilizwe lenu, ilizwe engihlala kulo; ngoba mina Nkosi ngihlala phakathi kwabakoIsrayeli.

1 AbaseKhorinte 3:17

Uba umuntu echitha ithempeli likaNkulunkulu, uNkulunkulu uzakumchitha yena, ngoba ithempeli likaNkulunkulu lingcwele; liyiloke lina.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 18:12

Ngoba lowo owenza lezizinto uyazondwa yiNkosi. Ngenxa yalimikhuba enengekayo iNkosi uNkulunkulu wenu iyazixotsha izizwe phambi kwenu.

UDutheronomi 9:4

Lapho iNkosi uNkulunkulu wakho isibaxotshile phambi kwakho, ungabokutsho enhliziyweni yakho ukuthi: Kungenxa yokulunga kwami okwenze iNkosi ingingenise elizweni leli ukulithumba. Kodwa kungenxa yobubi balezizizwe iNkosi ezixotsha phambi kwakho.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

Abahluleli 20:10

sithathe abantu abalitshumi kuwo wonke amakhulu ezizwe zakoIsrayeli, lekhulu kuzo zonke inkulungwane, lenkulungwane kuzo zonke inkulungwane ezilitshumi, ukuba badinge umphako ebantwini owalabo abaphumele ukuhlasela iGibeya koBenjamini, ukuba kuphindiselwe ububi obenziwe koIsrayeli.

Abahluleli 20:5

Amadoda aseGibeya angivukela, azingelezela indlu engangikuyo ebusuku efuna ukungibulala, amdlova omunye umfazi wami, khathesi usefile.

Abahluleli 20:6

Ngamthatha, ngamquma iziqa, ngazithumela kulo lonke ilizwe lakoIsrayeli, ngoba lawomadoda enza amanyala lobubi koIsrayeli.