ULevi 18:21 - iBhayibhili Elingcwele 1978

²¹ Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

IBhayibhili Elingcwele LesiNdebele

²¹ Unganikeli loba nguphi wabantwabakho ukuthi abe ngumhlatshelo kunkulunkulu uMoleki, ngoba akufanelanga ukuthi ungcolise ibizo likaNkulunkulu wakho. Mina nginguThixo.

ULevi 18:21 ပူးပေါင်းရင်းမြစ်များ

1 AmaKhosi 11:33

Ngizakwenza lokhu ngoba ungitshiyile, wakhonza uAshitorethi unkulunkulukazi waseSidoni, loKemoshi unkulunkulu waseMowabi, loMilkomu unkulunkulu wamaAmoni, kahambanga ngendlela zami, enze okuhle phambi kwami, elondoloza izimiso zami lemithetho yami njengoyise uDavida.

1 AmaKhosi 11:7

Wakhela uKemoshi unkulunkulu onengekayo wamaMowabi indawo ephakemeyo yokukhonzela, phezu kwentaba ngasempumalanga kweJerusalema, loMoloki unkulunkulu onengekayo wamaAmoni.

2 AmaKhosi 16:3

Kodwa walandela indlela zamakhosi akoIsrayeli, watshisa lendodana yakhe yaba ngumnikelo elingisa amanyala enziwa yizizwe iNkosi eyazixotsha phambi kwabakoIsrayeli.

2 AmaKhosi 17:31

abaseAva benza uNibazi loTaritaki, abaseSefavayimi babetshisa abantwana babo ngomlilo besiba yiminikelo kuAdrameleki loAnameleki onkulunkulu baseSefavayimi.

2 AmaKhosi 21:6

Watshisa umntanakhe waba ngumnikelo, wavumisa, wenza imilingo, wasebenza labalamadlozi labathakathi. Wenza okubi kakhulu phambi kweNkosi waze wayithukuthelisa.

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 ImiLando 28:3

watshisa impepha esihotsheni saseBeni‐Hinomu, watshisa lamadodana akhe aba ngumnikelo, elingisa amanyala enziwa yizizwe iNkosi eyazixotsha phambi kwabakoIsrayeli.

UJeremiya 19:5

bakha izindawo eziphakemeyo zikaBali ukutshisa amadodana abo ngomlilo abe ngumnikelo wokutshiswa kuBali, into engingabalayanga yona ngayimisa, lengafikanga engqondweni yami.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 23:37

Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

ULevi 19:12

Lingafungeli ibizo lami amanga, lize lihlambaze ibizo likaNkulunkulu wenu. NgiyiNkosi.

ULevi 21:6

Bazakuba ngcwele kuNkulunkulu wabo, bangahlambazi ibizo likaNkulunkulu wabo. Ngoba yibo abanikela eNkosini iminikelo eyenziwe ngomlilo, ukudla kukaNkulunkulu wabo. Ngakho bazakuba ngcwele.

ULevi 22:2

Mtshele uAroni lamadodana akhe ukuba bananzelele ngezinto ezingcwele zabakoIsrayeli abazinikela kimi, ukuze bangahlambazi ibizo lami elingcwele; ngiyiNkosi.

ULevi 22:32

Lingahlambazi ibizo lami elingcwele, kodwa ngizakuba ngcwele phakathi kwabantu bakoIsrayeli. NgiyiNkosi elenzayo libe ngcwele,

ULevi 24:15

Uthi ebantwini bakoIsrayeli: Othuka uNkulunkulu wakhe uzakuthwala isono sakhe.

uAmosi 2:7

banyathezela phansi abayanga, baphambanise abathobileyo endleleni yabo. Umuntu loyise baya entombininye, bangcolise ibizo lami elingcwele.

uAmosi 5:26

Lizakuthwala uSakuthi inkosi yenu loKayiwane inkanyezi kankulunkulu wenu, izithombe zenu elizenzele zona.

UMikha 6:7

INkosi izakwaneliswa zinqama eziyinkulungwane, lezinkulungwane ezilitshumi zemifula yamafutha na? Ngizakunikela izibulo lami ngenxa yesiphambeko sami, inzalo yomzimba wami ngenxa yesono senhliziyo yami na?

UMalaki 1:12

Kodwa lina liyalona ngokuthi itafula yeNkosi ingangcoliswa, langokuthi linganikela phezu kwayo ukudla elikudelelayo.

Imisebenzi 7:43

Atshi, lathatha ithente likaMoloki lenkanyezi kankulunkulu wenu uRefani, imifanekiso elayenza ukuba likhuleke kuyo. Ngizakulithuthela ngaphambili kweBabiloni.

AbaseRoma 1:23

lenkazimulo kaNkulunkulu ongabhubhiyo bayiphendula yafana lomfanekiso womuntu obhubhayo, lowezinyoni, lowezinyamazana, lowokuhuquzelayo.

AbaseRoma 2:24

Kulotshiwe ukuthi: Ibizo likaNkulunkulu liyahlanjazwa phakathi kwabezizwe ngenxa yenu.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,