ULevi 17:10 - iBhayibhili Elingcwele 1978

¹⁰ Uba umuntu wendlu kaIsrayeli, loba owemzini ohlala phakathi kwabo, esidla igazi, ngizakumelana laye olidlayo, ngimkhuphe ebantwini bakibo.

IBhayibhili Elingcwele LesiNdebele

¹⁰ Loba ngubani owako-Israyeli loba owezizwe ohlala phakathi kwabo ozakudla loba yiliphi igazi, ngizamelana laye odla igazi, ngimxotshe phakathi kwabantu bakibo.

ULevi 17:10 ပူးပေါင်းရင်းမြစ်များ

UGenesisi 9:4

Kodwa inyama okukuyo ukuphila, okutsho igazi, kalisoze liyidle.

2 USamuyeli 23:17

Wathi: Ngingeke ngikwenze lokho, Nkosi; kungaba njengokunatha igazi labantu abangenise ukuphila kwabo engozini. Ngalokhoke wala ukuwanatha. Lezizinto zenziwa yilawomaqhawe amathathu.

AmaHubo 34:16

Kodwa imelana labenza okubi, ukuba iqede ukukhunjulwa kwabo emhlabeni.

U-Eksodasi 30:33

Lowo owenza afanana lawo loba ewathela kowemzini, uzakukhutshwa ebantwini bakibo.

UJeremiya 21:10

Ngoba ngiwukhangele lumuzi ukuba ngiwenzele okubi, ngingawenzeli okuhle, kutsho iNkosi; uzanikelwa esandleni senkosi yaseBabiloni ezakuwutshisa ngomlilo.

UJeremiya 44:11

Ngakhoke iNkosi yamabandla, uNkulunkulu kaIsrayeli, ithi: Ngizalenzela okubi ukuba ngiliqede elizweni lonke lakoJuda.

UHezekhiyeli 14:8

Ngizamelana lalabobantu, ngibenze babe yizibonakaliso leziga, ngibakhuphe ebantwini bami; lizakwazi ukuba ngiyiNkosi.

UHezekhiyeli 15:7

Ngizamelana labo; lanxa bephunyuka emlilweni, umlilo uzabaqeda; lizakwazi ukuba ngiyiNkosi, nxa sengimelana labo.

UHezekhiyeli 33:25

Ngalokhoke tshono kibo uthi: INkosi uNkulunkulu ithi: Lidla inyama elegazi, liphakamisele amehlo enu ezithombeni zenu, lichithe igazi; lizahlala kilo ilizwe na?

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

ULevi 17:11

Ngoba ukuphila komzimba kusegazini; ngilinike lona ealtareni ukwenzela lina indlela yokubuyisana; ngoba kuligazi eliyikuphila elenza indlela yokubuyisana.

ULevi 19:26

Lingadli lutho olulegazi. Lingenzi imilingo, lingavumisi.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

uAmosi 9:4

loba bethunjwa yizitha zabo, lalapho ngizathumela impi ukuba ibabulale; ngizabehlisela okubi ngingabehliseli okuhle.

Imisebenzi 15:20

kodwa asibalobele ukuba bazile amanyala ezithombe, lokufeba, lokukhanyiweyo, legazi.

Imisebenzi 15:29

zokuthi lizile okuhlatshelwe izithombe, legazi, lokukhanyiweyo, lokufeba; uba lizilondoloza kulezizinto, lobe lenze kuhle. Salani kuhle.

UDutheronomi 12:16

Kodwa lingadli igazi; lichitheleni emhlabathini njengamanzi.

UDutheronomi 12:23

Kodwake nanzelelani ukuba lingadli igazi, ngoba igazi liyikuphila, kaliyikudla ukuphila kanye lenyama.

UDutheronomi 15:23

Kodwake lingadli igazi lalo; lilichithele emhlabathini njengamanzi.

AmaHebheru 10:29

Pho, lithi ufanele ukutshaywa okungakanani lowo onyathela phansi iNdodana kaNkulunkulu, edelela igazi lesivumelwano enziwe waba ngcwele ngalo, ehlambaza uMoya womusa, na?

1 USamuyeli 14:32

Batheleka empangweni; bazithathela izimvu, lezinkabi, lamathole, bakubulala, bakudla kanye legazi.

1 USamuyeli 14:33

Basebemtshela uSawuli besithi: Khangela, abantu bayona eNkosini uNkulunkulu ngokudla okulegazi. USawuli wasememeza esithi: Lenze okubi; giqelani lapha kimi ilitshe elikhulu.