ULevi 16:21 - iBhayibhili Elingcwele 1978

²¹ uAroni abeke izandla zakhe enhlokweni yempongo ephilayo, avume bonke ububi babantu bakoIsrayeli, leziphambeko zabo, lezono zabo zonke, azibeke enhlokweni yempongo, ayithumele ngomuntu olungiselwe lokho, iye enkangala.

IBhayibhili Elingcwele LesiNdebele

²¹ Uzabeka izandla zakhe zombili ekhanda lembuzi ephilayo, avumele phezu kwayo ukona lokuhlamuka kwabako-Israyeli, izono zabo zonke azifake ekhanda lembuzi. Imbuzi le izaxotshelwa enkangala iqhutshwa yindoda ekhethelwe lowomsebenzi.

ULevi 16:21 ပူးပေါင်းရင်းမြစ်များ

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

AmaHubo 51:3

Ngoba ngiyazazi iziphambeko zami, lezono zami zihlala ziphambi kwami.

U-Ezra 10:1

UEzra esakhuleka evuma izono, ekhala eziwisela phansi phambi kwendlu kaNkulunkulu, ixuku elikhulu labantu abesilisa labesifazana labantwana babuthana kuye, livela kuye wonke uIsrayeli, ngoba abantu bakhala kakhulu.

AbaseRoma 10:10

Ngoba ukukholwa okusenhliziyweni kuletha ukulunga; lokuvuma ngomlomo kuletha ukusiliswa.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

AmaHubo 32:5

Ngasivuma isono sami kuwe, kangisifihlanga isiphambeko sami, ngathi: Ngizakuvuma iziphambeko zami eNkosini. Wena wathethelela icala lesono sami.

ULevi 26:40

Bazakuvuma ububi babo lobubi baboyise, ububi ababenzayo kimi, futhi abahamba ngabo ngokuphambene lami.

U-Eksodasi 29:10

Uzakuletha inkunzi phambi kwethente lokuhlangana, ukuba uAroni lamadodana akhe babeke izandla zabo ekhanda lenkunzi;

ULevi 5:5

Kuzakuthi nxa umuntu elecala kwenye yalezizinto, avume isono sakhe,

ULevi 1:4

Uzakubeka isandla sakhe enhlokweni yomnikelo wokutshiswa, ukuze wamukelwe ngenxa yakhe, umenzele indlela yokubuyisana.

ULevi 16:20

Lapho eseqedile ukwenzela indawo engcwele indlela yokubuyisana, lethente lokuhlangana, lealtare, uzanikela ngempongo ephilayo;

ULevi 16:22

Impongo izakuthwala bonke ububi babo, iye endaweni elugwadule; izakuyekelwa ukuba izihambele enkangala.