ULevi 14:41 - iBhayibhili Elingcwele 1978

⁴¹ lendlu iphalwe phakathi inxa zonke, lodaka oluphaliweyo lulahlelwe endaweni engcolileyo ngaphandle komuzi.

IBhayibhili Elingcwele LesiNdebele

⁴¹ Kalaye ukuthi imiduli yonke eyangaphakathi iphalwe, kuthi lokho okuphaliweyo kuyelahlelwa endaweni engcolileyo ngaphandle kwedolobho.

ULevi 14:41 ပူးပေါင်းရင်းမြစ်များ

U-Isaya 65:4

abahlala emalibeni bekhonza imimoya emibi, balala endaweni ezisithekileyo, badle inyama yengulube, benatha umhluzi wokunengekayo emiganwini yabo;

UHezekhiyeli 26:4

Zizadiliza imiduli yaseTire, zibhidlizele phansi inqaba zalo. Ngizakhukhula umhlabathi walo, ngilenze libe lidwala elingelalutho.

ULevi 14:40

kalaye ukuba izitina ezilamabala zikhutshwe, zilahlwe endaweni engcolileyo ngaphandle komuzi,

ULevi 14:42

Ezinye izitina kazithathwe, zifakwe endaweni yalezo, lendlu ibhadwe ngodaka olutsha.

ULevi 14:45

Kayidilizwe, izitina zayo, lezigodo zayo, lalo lonke udaka lwayo, konke kukhutshelwe endaweni engcolileyo ngaphandle komuzi.

UMatewu 24:51

izakuyiqumaquma, iyabele labazenzisi; kuzakuba khona lapho ukukhala lokugedla amazinyo.

UMatewu 8:28

Kwathi esefikile ngaphetsheya elizweni lamaGadarene, bamhlangabeza ababili abangenwe ngomoya ababi, bephuma emalibeni; besesabeka kakhulu kungasadluli muntu ngaleyondlela.

1 uTimothi 1:20

okukhona phakathi kwabo uHimeneyo loAleksandro engibanikele kuSathane, ukuze bafunde ukuba bangahlambazi.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.