ULevi 14:32 - iBhayibhili Elingcwele 1978

³² Lowo ngumlayo ngaye olesifo sobulephero, owehluleka ukuletha iminikelo ukuba ahlambuluke.

IBhayibhili Elingcwele LesiNdebele

³² Le yiyo imithetho yokuphathwa kwalabo abalomkhuhlane wobulephero abangenelisi iminikelo yokuhlanjululwa ejayelekileyo.

ULevi 14:32 ပူးပေါင်းရင်းမြစ်များ

AmaHubo 136:23

Yiyo eyasikhumbula sisephansi, ngoba uthando lwayo olungapheliyo lumi kuze kube nininini;

ULevi 13:2

Nxa kukhona emzimbeni womuntu ithumba loba inxeba elibhibhidlayo, loba ibala, lokhu kubonakalisa ukuthi umuntu lo ulobulephero emzimbeni wakhe, kalethwe kuAroni umpristi ingabe kwenye yamadodana akhe angabapristi.

ULevi 13:59

Lowo ngumlayo omayelana lesibhadlu sokubola esisengutsheni yoboya bemvu, loba engutsheni yelembu elihle, loba elenjini elalukiweyo, loba entweni yesikhumba, okuzabonwa ngawo ukuthi kuhlambulukile ingabe kungcolile.

ULevi 14:10

Ngosuku lwesificaminwembili uzathatha amawundlu amaduna amabili angelasici, lewundlu elisikazi elilomnyaka munye elingelasici, lomnikelo wempuphu elingana lengxenye yehefa empuphu ecolekileyo ixubene lamafutha, lamagcobo.

ULevi 14:2

Lo uzakuba ngumlayo ngomuntu olobulephero ngosuku lokuhlanjululwa kwakhe. Kalethwe kumpristi,

ULevi 14:21

Kodwake uba engumyanga, esahluleka ukuletha lokho, kathathe iwundlu eliduna libe ngumnikelo wecala ozazunguzwa ukuba amenzelwe indlela yokubuyisana, kanye lengxenye yehefa lempuphu ecolekileyo ixubene lamafutha kube ngumnikelo wempuphu, lamagcobo,

ULevi 14:31

okunye kube ngumnikelo wesono lokunye kube ngumnikelo wokutshiswa, kanye lomnikelo wempuphu. Umpristi uzamenzela ohlanjululwayo indlela yokubuyisana phambi kweNkosi.

ULevi 14:33

INkosi yathi kuMose loAroni:

UMatewu 11:5

iziphofu ziyabona, leziqhuli ziyahamba, labalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.