ULevi 14:3 - iBhayibhili Elingcwele 1978

³ umpristi aphume ezihonqweni, amhlole. Uba umuntu olobulephero esesilile esifweni sobulephero,

IBhayibhili Elingcwele LesiNdebele

³ Umphristi kaphume ezihonqweni ayemhlola. Nxa umuntu lowo esesilile ebulepherweni,

ULevi 14:3 ပူးပေါင်းရင်းမြစ်များ

2 AmaKhosi 5:14

Wasehambake, wabhukutsha eJordani kwaze kwaba kasikhombisa njengelizwi lomuntu kaNkulunkulu, wahlambuluka lenyama yakhe yahluma, yafanana leyomntwana omncinyane.

2 AmaKhosi 5:3

Yona yathi enkosikazini yayo: Uba inkosi yami ibingabonana lomprofethi ohlala eSamariya, ubezakuyelapha ubulephero bayo.

UJobe 5:18

Ngoba uyalimaza, abuye abophe amanxeba, atshaye, abuye apholise.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

ULevi 13:2

Nxa kukhona emzimbeni womuntu ithumba loba inxeba elibhibhidlayo, loba ibala, lokhu kubonakalisa ukuthi umuntu lo ulobulephero emzimbeni wakhe, kalethwe kuAroni umpristi ingabe kwenye yamadodana akhe angabapristi.

ULevi 13:46

Uzakuhlala engcolile sonke isikhathi sesifo sakhe; ungcolile, ngakho uzakuhlala yedwa endaweni engaphandle kwezihonqo.

ULevi 14:48

Kodwa nxa umpristi esengenile, abone ukuthi leyonto ebolisayo kayiqhelanga endlini emva kokubhadwa kwendlu, uzakutsho ukuthi indlu ihlambulukile, ngoba leyonto isiphelile.

UMatewu 10:8

Silisani abagulayo, livuse abafileyo, lihlambulule abalobulephero, likhuphe omoya ababi. Lamukelisiwe ngesihle, phanini ngesihle.

UMatewu 11:5

iziphofu ziyabona, leziqhuli ziyahamba, labalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.

ULukha 4:27

Kwakukhona futhi koIsrayeli abalobulephero abanengi ngesikhathi sikaElisha umprofethi; kodwa kakuhlanjululwanga lamunye wabo, kuphela uNamani umSiriya.

ULukha 7:22

Wawaphendula wathi: Hambani limtshele uJohane lokho elikubonileyo lelikuzwileyo ukuthi iziphofu ziyabona, iziqhuli ziyahamba, abalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.