ULevi 10:19 - iBhayibhili Elingcwele 1978

¹⁹ UAroni wathi kuMose: Khangela, lamhla sebenikele umnikelo wabo wesono lomnikelo wabo wokutshiswa eNkosini, kantike ngehlelwe yilokhu mina! Uba bengidlile umnikelo wesono lamuhla, bekuzakwamukeleka emehlweni eNkosi na?

IBhayibhili Elingcwele LesiNdebele

¹⁹ U-Aroni waphendula uMosi wathi, “Lamuhla benze umhlatshelo womnikelo wesono kanye lomnikelo wokutshiswa phambi kukaThixo, kodwa izinto ezinjengalezi sezenzakele kimi. Nxa bengidle umnikelo wesono lamuhla, kambe uThixo ubengachelesa ngalokho na?”

ULevi 10:19 ပူးပေါင်းရင်းမြစ်များ

U-Isaya 1:11

INkosi ithi: Iyini kimi imihlatshelo yenu eminengi na? Nganelisiwe yiminikelo yezinqama langamahwahwa okunonisiweyo; legazi lezinkunzi lelamawundlu lelezimpongo kalingithokozisi.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UHosiya 9:4

Kabayikuthululela iminikelo yewayini eNkosini, kabayikuyithokozisa ngemihlatshelo yabo. Ukudla kwabo kuzakuba njengokudla kwabalilayo, bonke abakudlayo bazakungcola; ngoba ukudla kwabo kuzakuba ngokwabo kuphela, kakuyikunikelwa ethempelini leNkosi.

ULevi 10:20

Esezwile lokho uMose wathaba.

ULevi 9:12

Wasehlaba umnikelo wokutshiswa; amadodana akhe amnika igazi, walikhaphazela ealtareni inxa zonke.

ULevi 9:8

UAroni wasesondela ealtareni, walihlaba ithole lomnikelo wesono ongowakhe.

UMalaki 1:10

Kungathi ngabe ukhona phakathi kwenu ongavala izivalo, ukuba lingabasi imililo elize phezu kwealtare lami. Kangithokozi ngani, kutsho iNkosi yamabandla, kangiyikwamukela iminikelo evela kini.

UMalaki 1:13

Lichila amakhala, kutsho iNkosi yamabandla, beselisithi: Yeka ukudinisa kwalokhu! Liletha okwebiweyo, lokuqhulayo, lokugulayo, kube ngumnikelo wenu. Ngizakwamukela lokho kini na? kutsho iNkosi.

UMalaki 2:13

Lalokhu futhi liyakwenza. Lithela ialtare leNkosi ngenyembezi, likhale, libubule, ngoba ingasawunanzi umnikelo, ungasamukeleki kuyo.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 26:14

Kangidlanga lokukodwa okwetshumi lapho bengilila, kangikuthathanga lapho bengingcolile, kangikunikelanga kofileyo; ngililalele ilizwi leNkosi uNkulunkulu wami, ngenzile njengokungilaya kwakho.

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.

AmaHebheru 7:27

Kadingi njengalabo abapristi abakhulu ukunikela insuku ngensuku ngemihlatshelo ngenxa yezakhe izono kuqala langasemuva langenxa yezono zabantu; ngoba wakwenza lokho kwaba kanye mhla ezinikela yena.

AmaHebheru 9:8

Ngalokhu uMoya oNgcwele utshengisa ukuthi indlela yokungena endaweni engcwele kayikavuleki lapho lisekhona ithente lokuqala.