ULevi 10:16 - iBhayibhili Elingcwele 1978

¹⁶ UMose wabuzisisa ngembuzi yomnikelo wesono, wabona ukuthi yayitshisiwe. Wathukuthelela uEleyazare loIthamari, amadodana kaAroni aseleyo, wathi:

IBhayibhili Elingcwele LesiNdebele

¹⁶ UMosi wathi ebuza ngembuzi yomnikelo wesono wathola ukuthi yayisitshisiwe, wathukuthelela u-Eliyazari lo-Ithamari, amadodana ka-Aroni ayesesele, wawabuza wathi,

ULevi 10:16 ပူးပေါင်းရင်းမြစ်များ

U-Ezra 7:5

kaAbishuwa kaFiniyasi kaEleyazare kaAroni umpristi omkhulu.

ULevi 6:17

Kakuyikufakwa imvubelo. Ngikunike kube yisabelo sabo seminikelo yami eyenziwe ngomlilo; kuyinto engcwele kakhulu, njengomnikelo wesono lomnikelo wecala.

ULevi 6:26

Umpristi owunikelela isono uzakuwudla; udlelwe endaweni engcwele, egumeni lethente lokuhlangana.

ULevi 6:30

Kodwa kakungadliwa umnikelo wesono okungeniswa igazi lawo ethenteni lokuhlangana ukuba kwenziwe ukubuyisana endaweni engcwele; kawutshiswe ngomlilo.

ULevi 9:15

Waseletha umnikelo wabantu, wathatha imbuzi yomnikelo wesono ongowabantu, wayihlaba, wanikela ngayo ngenxa yesono, njengomnikelo wokuqala.

ULevi 9:3

Tshono ebantwini bakoIsrayeli uthi: Thathani impongo ibe ngumnikelo wesono, lethole lewundlu, womabili abe lomnyaka munye angelasici, abe ngumnikelo wokutshiswa,

AmaNani 12:3

UMose lo wayemnene kakhulu kulabo bonke abantu ababesemhlabeni.

UMatewu 5:22

Kodwa mina ngithi kini: Ilowo lalowo othukuthelela umfowabo uzakuba lecala lokuthonisiswa; lothuka umfowabo uzakuba lecala emphakathini. Lotshoyo ukuthi: Sithutha ndini! uzakuba lecala lokuphoselwa esihogweni somlilo.

UMakho 10:14

Kodwa uJesu ekubona lokhu wathukuthela, wathi kubo: Vumelani abantwana beze kimi, lingabanqabeli, ngoba umbuso kaNkulunkulu ungowabanje.

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

Abase-Efesu 4:26

Thukuthelani lingoni; ilanga kalingatshoni lisathukuthela;