ULevi 1:17 - iBhayibhili Elingcwele 1978

¹⁷ ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

IBhayibhili Elingcwele LesiNdebele

¹⁷ Kayidabule ivuleke ngempiko zayo kodwa angayehlukanisi, emva kwalokho, umphristi uzayitshisela enkunini ezisemlilweni ose-alithareni. Ngumnikelo wokutshiswa, umnikelo owenziwa ngomlilo, olephunga elimnandi kuThixo.’ ”

ULevi 1:17 ပူးပေါင်းရင်းမြစ်များ

UGenesisi 15:10

Wasethatha zonke lezizinto, wazidabula phakathi, wabeka leyo laleyongxenye yazo ikhangelene lenye; kodwa inyoni kazidabulanga.

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

AmaHubo 16:10

Ngoba kawungiyekelanga ngiye endaweni yabafileyo, kawuyikuvuma ukuba olungileyo wakho abone ukubola.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 2:2

awulethe kumadodana kaAroni angabapristi, acuphe kuwo impuphu ecolekileyo lamafutha, kanye lenhlaka yawo yonke; umpristi akutshise lokhu ealtareni kube yisikhumbuzo, umnikelo owenziwe ngomlilo, olephunga elimnandi eNkosini.

ULevi 3:5

Amadodana kaAroni azakukutshisa ealtareni kanye lomnikelo wokutshiswa phezu kwenkuni ezisemlilweni; kungumnikelo owenziwe ngomlilo olephunga elimnandi eNkosini.

ULevi 5:8

azilethe kumpristi ozakunikela ngeyomnikelo wesono kuqala, ayitshile intamo, kodwa angahlukanisi ikhanda lentamo,

ULevi 6:14

Nanku umlayo womnikelo wempuphu. Amadodana kaAroni azakuwunikela phambi kweNkosi, ngaphambi kwealtare.

ULevi 8:21

Wagezisa imibilini lemilenze ngamanzi, watshisa inqama yonke ealtareni, yaba ngumnikelo wokutshiswa olephunga elimnandi, lomnikelo owenzelwe iNkosi ngomlilo, njengokutsho kwayo kuMose.

ULevi 9:13

Amnika umnikelo wokutshiswa izitho ngezitho kanye lenhloko; wakutshisa ealtareni.

AmaNani 15:3

thathani ezinkomeni ingabe ezimvini, linikele eNkosini umnikelo owenziwe ngomlilo, loba kungumnikelo wokutshiswa loba kungumhlatshelo, owokugcwalisa isithembiso, loba owesihle, loba owemikhosi yenu emisiweyo, ukwenza iphunga elimnandi eNkosini.

AmaNani 28:8

Elinye iwundlu lizanikela ngalo kusihlwa; linikele njalo lomnikelo wempuphu lomnikelo wawo wokuthululwa njengasekuseni, kube ngumnikelo owenziwe ngomlilo olephunga elimnandi eNkosini.

UMatewu 27:50

UJesu wabuya wamemeza ngelizwi elikhulu, wafa.

UJohane 19:30

Kwathi uJesu eselamukele wathi: Kuphelile. Wakhothamisa ikhanda lakhe, wafa.

AbaseRoma 4:25

owanikelwa ngenxa yeziphambeko zethu, wavuswa ngenxa yokulungisiswa kwethu.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,