ULevi 1:10 - iBhayibhili Elingcwele 1978

¹⁰ Uba umnikelo wakhe ungumnikelo wemihlambi, owezimvini loba owezimbuzini, uzanikela ngenduna engelasici;

IBhayibhili Elingcwele LesiNdebele

¹⁰ Nxa umnikelo ungowokutshiswa, uvela emhlambini wezimvu kumbe imbuzi, kuzamele anikele ngesifuyo esiduna esingelasici.

ULevi 1:10 ပူးပေါင်းရင်းမြစ်များ

UGenesisi 4:4

Laye uAbela waletha umnikelo wamazibulo ezimvu kanye lamahwahwa awo. INkosi yathokoza ngoAbela langomnikelo wakhe.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

U-Eksodasi 12:5

Kalingabi lasici, libe ngeliduna elilomnyaka munye; lithatheni ezimvini loba ezimbuzini.

UHezekhiyeli 43:22

Ngosuku lwesibili uzanikela intondolo engelasici ibe ngumnikelo wesono; lihlambuluke ialtare njengoba lihlanjululwe ngenkunzi.

ULevi 14:10

Ngosuku lwesificaminwembili uzathatha amawundlu amaduna amabili angelasici, lewundlu elisikazi elilomnyaka munye elingelasici, lomnikelo wempuphu elingana lengxenye yehefa empuphu ecolekileyo ixubene lamafutha, lamagcobo.

ULevi 16:3

Kodwa uAroni kangene endaweni engcwele elenkunzi yomnikelo wesono, elenqama yomnikelo wokutshiswa.

ULevi 16:5

Athathe ebandleni labantu bakoIsrayeli impongo ezimbili zibe ngumnikelo wesono, lenqama ibe ngumnikelo wokutshiswa.

ULevi 22:19

ukuze lamukeleke lina nikelani ngenduna engelasici, inkunzi loba imvu loba imbuzi.

ULevi 23:12

Ngosuku elizunguza ngalo isithungo, nikelani ngewundlu eliduna elilomnyaka munye, elingelasici, libe ngumnikelo wokutshiswa eNkosini.

ULevi 3:1

Uba umnikelo womuntu ungumhlatshelo womnikelo wokuthula, nxa enikela ngenkomo, enduna ingabe ensikazi, kawunikele phambi kweNkosi ungelasici.

ULevi 4:23

uba yaziswa isono sayo esenzileyo, izakuletha imbuzi, impongo engelasici, ibe ngumnikelo wayo,

ULevi 4:3

uba kungumpristi ogcotshiweyo owona kanjalo, kuze kwehlele icala phezu kwabantu, kanikele eNkosini ngesono sakhe inkunzi engelasici ibe ngumnikelo wesono.

ULevi 5:15

Uba umuntu esenza isiphambeko mayelana lezinto ezingcwele afanele ukuba azinikele eNkosini, kodwa angoni ngabomu, kalethe umnikelo wakhe wecala, athathe emhlambini inqama engelasici, elentengo yamashekeli esiliva ngokweshekeli lendlu engcwele, ibe ngumnikelo wecala.

ULevi 9:2

Wathi kuAroni: Thatha ithole elingelasici libe ngumnikelo wesono, lenqama engelasici ibe ngumnikelo wokutshiswa, ukunikele eNkosini.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

AmaNani 15:5

alethe lewayini libe ngumnikelo wokuthululwa, enzele lelo lalelo iwundlu okwesine kwehini yewayini, alilungisele umnikelo wokutshiswa loba umhlatshelo.

AmaNani 19:2

Nansi isimiso lomlayo iNkosi ekumisileyo. Tshelani abakoIsrayeli ukuba balethe kini ithokazi elibomvu elingelasici, lelingelabala, futhi elingazanga libotshelwe ejogweni;

AmaNani 6:14

anikele ngomnikelo wakhe eNkosini, iwundlu elilomnyaka munye elingelasici, libe ngumnikelo wokutshiswa, lemvukazi elomnyaka munye engelasici ibe ngumnikelo wesono, lenqama ibenye engelasici ibe ngumnikelo wokuthula,

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

1 UPhethro 1:19

kodwa lahlengwa ngegazi likaKristu eliligugu kungathi ligazi lewundlu elingelasici, elingelabala.