UJuda 1:8 - iBhayibhili Elingcwele 1978

⁸ Ngokunjalo lababantu ekuphupheni kwabo bayona imizimba yabo, beyisa amandla eNkosi, bahlambaze abalenkazimulo.

IBhayibhili Elingcwele LesiNdebele

⁸ Ngokunjalo, ngamandla okuphupha kwabo lababantu abangalunganga bangcolisa imizimba yabo, baphike ubukhokheli, bachothoze lezidalwa zasezulwini.

UJuda 1:8 ပူးပေါင်းရင်းမြစ်များ

UGenesisi 3:5

Ngoba uNkulunkulu uyazi ukuthi mhla lizidlayo, amehlo enu azavuleka, libe njengoNkulunkulu, likwazi konke.

U-Eksodasi 22:28

Lingathuki uNkulunkulu, lingaqalekisi induna yabantu bakini.

Izaga 30:11

Kukhona labo abathuka oyise, abangabongi onina.

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

UmTshumayeli 10:20

Lasemicabangweni yakho ungayithuki inkosi, lasendlini yakho yokulala ungamthuki onothileyo; ngoba inyoni yaphezulu izathwala ilizwi lakho, lento ephaphayo ibike indaba.

AmaNani 16:3

Babahlanganyela oMose loAroni, bathi kubo: Sesidiniwe ngani! Lonke ibandla lingcwele, labantu bonke bangcwele, leNkosi ikubo. Pho, liziphakamiselani phezu kwebandla leNkosi na?

ULukha 11:25

Afikeke, ayifumane ithanyelwe, ilungisiwe.

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

ULukha 19:14

Kodwa abantu bomuzi wakhe babemzonda, bathumela amanxusa emva kwakhe, besithi: Kasithandi ukuba lumuntu asibuse.

Imisebenzi 23:5

UPawuli wasesithi: Bengingazi, bazalwane, ukuthi ungumpristi omkhulu; ngoba kulotshiwe ukuthi: Ungakhulumi kubi ngombusi wesizwe sakini.

Imisebenzi 7:27

Kodwa lowo owayemona umakhelwana wakhe wamsunduza esithi: Ubekwe ngubani ukuba ube ngumbusi lomthonisisi phezu kwethu na?

Imisebenzi 7:39

Okhokho kabavumanga ukumlalela, kodwa bamsunduzela eceleni, babuyela eGibithe ngenhliziyo zabo,

1 AbaseKhorinte 3:17

Uba umuntu echitha ithempeli likaNkulunkulu, uNkulunkulu uzakumchitha yena, ngoba ithempeli likaNkulunkulu lingcwele; liyiloke lina.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 uTimothi 1:10

lezifebe, labesilisa abalalanayo, labathumba abanye, labaqamba amanga, labafungela amanga; impela lokunye nje okuphambene lemfundiso eqotho,

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

1 UPhethro 2:17

Hloniphani abantu bonke, lithande abazalwane, limesabe uNkulunkulu, lihloniphe inkosi enkulu.