UJuda 1:7 - iBhayibhili Elingcwele 1978

⁷ Ngokunjalo iSodoma leGomora lemizi yakhona eyenza ukuphinga njengazo, yazinikela enkanukweni ezingasizo zemvelo, yenziwa isibonelo ngokutshaywa ngomlilo ongapheliyo.

IBhayibhili Elingcwele LesiNdebele

⁷ Ngokunjalo, iSodoma leGomora lamadolobho aseduzane azinikela ekuxhwaleni kobufebe lokonakala. Ayisibonelo salabo abezwa isijeziso somlilo waphakade.

UJuda 1:7 ပူးပေါင်းရင်းမြစ်များ

UGenesisi 13:13

Abantu baseSodoma babebabi, besona kakhulu phambi kweNkosi.

UGenesisi 18:20

INkosi yathi: Ukukhala kwaseSodoma leGomora kukhulu lobubi babo bukhulu;

UGenesisi 19:5

Ambiza uLoti athi kuye: Angaphi amadoda angenise kuwe ebusuku na? Akhuphele kithi ukuba siwenze abafazi.

1 AmaKhosi 22:46

Waqeda elizweni amadoda ayengamawule emathempelini ayesele ensukwini zikayise uAsa.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 13:19

IBabiloni, udumo lwemibuso ubucwazicwazi lokuziqhenya kwamaKaladiya, lizakuchithwa nguNkulunkulu njengeSodoma leGomora.

U-Isaya 33:14

Izoni zaseZiyone ziyesaba, ukuthuthumela kubehlele abangamesabiyo uNkulunkulu, bathi: Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okungapheliyo?

UJeremiya 20:16

Lowomuntu kabe njengemizi iNkosi eyayichitha ingelasihawu; kezwe ukukhala ekuseni, lomkhosi wempi emini,

UJeremiya 50:40

Njengoba uNkulunkulu wachitha iSodoma leGomora lemizi eyakhelene lalo, kutsho iNkosi, ngokunjalo kakusayikusala muntu khona, kakusayikuhamba muntu khona.

Izililo 4:6

Ngoba ukutshaywa kwabantu bami kube kukhulu kulokutshaywa kwabaseSodoma elachithwa ngesikhatshana, kungekho okhalayo.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

uAmosi 4:11

Ngachitha abanye benu njengalokho uNkulunkulu achitha iSodoma leGomora, lalinjengesikhuni esophulwe eziko; kanti kaliphendukelanga kimi, kutsho iNkosi.

UMatewu 10:15

Ngiqinisile ngithi kini: Kuzakuba ngcono elizweni laseSodoma lelaseGomora ngosuku lokulahlwa kulakulowomuzi.

UMatewu 11:24

Kodwa ngithi kini: Kuzakuba ngcono kulo ilizwe laseSodoma ngosuku lokulahlwa kulakuwe.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

ULukha 17:29

kodwa ngosuku uLoti aphuma ngalo eSodoma lana umlilo ovela ezulwini, wababhubhisa bonke.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

2 UPhethro 2:2

Abanengi bazakulandela amanyala abo; langenxa yabo indlela yeqiniso izakuthukwa.

2 UPhethro 2:6

Lemizi yaseSodoma laseGomora wayichitha ngokuyitshisa ngomlilo, eyenza ibe yisibonelo kulabo abeyisa uNkulunkulu.

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.