UJuda 1:6 - iBhayibhili Elingcwele 1978

⁶ Lezithunywa ezingagcinanga izikhundla zazo, kodwa zatshiya indawo zazo, zigcinelwe ukulahlwa mhla wosuku olukhulu, zibotshiwe ngezibopho ezingaqamukiyo ngaphansi komnyama.

IBhayibhili Elingcwele LesiNdebele

⁶ Lezingilosi ezingagcinanga izikhundla zazo zamandla, kodwa zadela ikhaya lazo, lezi wazigcina ebumnyameni, zibotshwe ngamaketane angaqamukiyo zilindele ukwahlulelwa ngoSuku olukhulu.

UJuda 1:6 ပူးပေါင်းရင်းမြစ်များ

UMatewu 10:15

Ngiqinisile ngithi kini: Kuzakuba ngcono elizweni laseSodoma lelaseGomora ngosuku lokulahlwa kulakulowomuzi.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

UMatewu 8:29

Basebememeza besithi: Silani lawe Ndodana kaNkulunkulu? Uze lapha ukusihlupha kungakafiki isikhathi na?

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

AmaHebheru 10:27

kodwa kuphela ukulindela okwesabekayo ukulahlwa lomlilo otshisayo ozakuqeda abaphikayo.

2 UPhethro 2:4

UNkulunkulu kaziyekelanga izithunywa ezonayo, kodwa waziphosela esihogweni ezinikela emigodini yomnyama, ukuba zigcinwe kuze kube lusuku lokulahlwa.

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,

UJuda 1:13

bangamavinqo olwandle aphosekayo, abhubhudla amahlazo awo; bazinkanyezi eziduhayo ezigcinelwe umnyama omkhulu ongapheliyo.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 20:2

Sawubamba umgobho, inyoka enguSathane loMubi, sawubopha okweminyaka eyinkulungwane;