UJoweli 3:16 - iBhayibhili Elingcwele 1978

¹⁶ INkosi iyavungama iseZiyone, izwakalisa ilizwi layo iseJerusalema, kunyikinyeke iphezulu lomhlaba. Kodwa iNkosi iyisiphephelo sabantu bayo, lenqaba yabantu bakoIsrayeli.

IBhayibhili Elingcwele LesiNdebele

¹⁶ UThixo uzavungama eseZiyoni aphinde akhwaze eseJerusalema; umhlaba lomkhathi kuzagedezela. Kodwa uThixo uzakuba yisiphephelo sabantu bakhe, inqaba yabantu bako-Israyeli.”

UJoweli 3:16 ပူးပေါင်းရင်းမြစ်များ

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 29:11

INkosi inika abantu bayo amandla; iNkosi ibusise abantu bayo ngokuthula.

AmaHubo 61:3

ngoba wena uyisiphephelo sami, inqaba eqinileyo yokucatshela izitha.

Izaga 18:10

Ibizo leNkosi liyinqaba eqinileyo; olungileyo ubalekela kuyo alondolozeke.

U-Isaya 33:16

yena uzakuhlala ekuphakameni, isivikelo sakhe sibe njengenqaba eqinileyo, uzakuzuza ukudla okwaneleyo, lamanzi akhe kawayikusweleka.

U-Isaya 33:21

Khona lapho iNkosi izasitshengisa ubukhosi bayo; kuzaba yindawo yemifula lezifula ezibanzi, lapho kungahambi khona imikolo yezitha, lemikolo emikhulu engedluli khona.

U-Isaya 42:13

INkosi iyaphuma njengeqhawe, itshisekela ukulwa njengendoda yempi; iyamemeza isiga sempi, izinqobe izitha zayo.

U-Isaya 51:16

Ngifakile amazwi ami emlonyeni wakho, ngakufihla emthunzini wesandla sami, ngendlala iphezulu, ngamisa izisekelo zomhlaba, ngatsho kulo iZiyone ukuthi: Lina lingabantu bami.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UJeremiya 17:17

Ungabi ngokwesabekayo kimi, ngoba wena uyisiphephelo sami osukwini olubi.

UHezekhiyeli 38:19

Ngoba ngomona wami langolaka lwami oluvuthayo ngithi: Ngalolosuku kuzakuba khona ukunyikinyeka okukhulu elizweni lakoIsrayeli.

UHosiya 11:10

Bazayilandela iNkosi ezabhonga njengesilwane; yebo, izabhonga, lamadodana ayo azavela entshonalanga ngokuphangisa.

uAmosi 1:2

Wathi: INkosi iyaduma iseZiyone, izwakalise ilizwi layo iseJerusalema; amadlelo abelusi atshe, lezingqonga zeKarmeli zibune.

uAmosi 3:8

Isilwane sesibhongile, ngubani ongayikwesaba na? INkosi uNkulunkulu isikhulumile, ngubani ongayekela ukutshumayela na?

UNahume 1:7

INkosi ilungile, iyinqaba osukwini lokuhlupheka; iyabakhumbula abaphephela kuyo,

UHagayi 2:6

Ngoba iNkosi yamabandla ithi: Kuseyisikhatshana nje ngibuye nginyikinye futhi iphezulu lomhlaba, ulwandle lomhlabathi owomileyo;

UHagayi 2:7

ngizakunyikinya izizwe zonke ukuze inotho yazo ifike lapha, igcwalise indlu le ngobuhle, kutsho iNkosi yamabandla.

UZakhariya 10:12

Amandla abo azakuba seNkosini, bahambe bethokoza ebizweni layo, kutsho iNkosi.

UZakhariya 10:6

Mina Nkosi ngizamqinisa uJuda, ngikhulule uJosefa. Ngizababuyisa ngoba ngilesihawu kibo, babe njengokungathi kangizanga ngibalahle; ngoba ngiyiNkosi uNkulunkulu wabo, ngizabaphendula.

UZakhariya 9:12

Buyelani enqabeni yenu, lina zibotshwa esezilethemba; lamhla ngiyalitshela ukuthi ngizalibusisa ngokuphindwe kabili.

AmaHebheru 12:26

Ngalesosikhathi ilizwi lakhe lanyikinya umhlaba, kodwa khathesi uthembisile ukuthi: Ngizakuphinda futhi ukunyikinya, kungasumhlaba wodwa, kodwa lamazulu futhi.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 11:19

Kwasekuvulwa ithempeli likaNkulunkulu elisezulwini, kwabonakala umtshokotsho wesivumelwano sakhe usethempelini; kwasekusiba khona ukuphazima kombane, lomsindo omkhulu, lokuduma, lokuzamazama komhlaba, lesiqhotho esikhulu.

Isambulo 16:18

Kwasekusiba khona ukuphazima kwemibane, lomsindo omkhulu, lokuduma, lokuzamazama komhlaba okukhulu okungazanga kube khona selokhu kwaba khona abantu emhlabeni, ukuzamazama okukhulu kakhulu.

1 USamuyeli 15:29

Futhi uNkulunkulu oyiBukhosi kaIsrayeli kayikuqamba amanga, azisole, ngoba kayisuye umuntu ukuba azisole.