UJoweli 3:13 - iBhayibhili Elingcwele 1978

¹³ Fakani isikela, ngoba okuvunwayo sekuvuthiwe. Ngenani linyathele izithelo zevini, ngoba isikhamelo sewayini sesigcwele, lamafatshi asephuphuma, sebubukhulu kangaka ububi bezizwe.

IBhayibhili Elingcwele LesiNdebele

¹³ Hehethani ngesikela ngoba okuvunwayo sekuvuthiwe. Wozani, gxobani amavini, ngoba isikhamelo sewayini sesigcwele lezimbizakazi seziphuphuma, bukhulu kangaka ububi bazo!

UJoweli 3:13 ပူးပေါင်းရင်းမြစ်များ

UGenesisi 13:13

Abantu baseSodoma babebabi, besona kakhulu phambi kweNkosi.

UGenesisi 15:16

Esizukulwaneni sesine izakubuya lapha; ngoba ububi bamaAmori kabukapheleli.

UGenesisi 18:20

INkosi yathi: Ukukhala kwaseSodoma leGomora kukhulu lobubi babo bukhulu;

U-Isaya 17:5

kube njengalapho umvuni ebamba ngengalo yakhe amabele emiyo, aqume izikhwebu zawo; loba njengalapho umuntu edobha izikhwebu esigodini saseRefayimi,

U-Isaya 63:3

Ngisinyathele ngedwa isikhamelo sewayini, kwakungekho loyedwa ebantwini kanye lami; ngibanyathele ekuthukutheleni kwami, ngabafihliza olakeni lwami; legazi labo lachaphakela ezambathweni zami, ngingcolisile ingubo zami zonke.

UJeremiya 51:33

Ngoba iNkosi yamabandla, uNkulunkulu kaIsrayeli, ithi: IBabiloni linjengesiza sokubhulela ngesikhathi sokunyathelwa kwalo; kuseyisikhatshana nje isikhathi sokuvunwa kwalo sizakufika.

Izililo 1:15

INkosi yeyisile wonke amaqhawe ami phakathi kwami, yaletha impi ukubulala insizwa zami. INkosi inyathele uJuda njengasesikhamelweni sewayini.

UHosiya 6:11

Lawe Juda, ulungiselwe ukwahlulelwa, lapho ngifisa ukubuyisa abantu bami.

UMatewu 13:39

lesitha esawuhlanyelayo nguSathane; ukuvuna kuyikuphela kwesikhathi; labavunayo bayizithunywa.

UMakho 4:29

Nxa esevuthiwe amabele, ufaka ingqamu masinyane, ngoba ukuvuna sekufikile.

UDutheronomi 16:9

Kalibobala amaviki aba yisikhombisa, liwabale kusukela esikhathini eliqala ngaso ukuvuna amabele.

Isambulo 14:14

Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.