UJoweli 2:32 - iBhayibhili Elingcwele 1978

³² Kuzakuthi bonke abakhuleka ebizweni leNkosi bakhululwe; ngoba entabeni yaseZiyone kuzakuba khona labo abaphunyukileyo, njengokutsho kweNkosi, laseJerusalema kube khona abaseleyo ababizwe yiNkosi.

IBhayibhili Elingcwele LesiNdebele

³² Njalo wonke obiza ibizo likaThixo uzasindiswa; ngoba eNtabeni iZiyoni laseJerusalema kuzakuba lokukhululwa, njengoba uThixo etshilo, iloba phakathi kwabasindileyo labo ababizwa nguThixo.”

UJoweli 2:32 ပူးပေါင်းရင်းမြစ်များ

UGenesisi 4:26

Laye uSeti wazala indodana, wayitha ibizo wathi nguEnosi. Ngalesosikhathi abantu basebeqala ukukhuleka ebizweni leNkosi.

AmaHubo 50:15

ukhuleke kimi osukwini lokuhlupheka, ngizakukukhulula, wena uzakungidumisa.

U-Isaya 10:22

Ngoba lanxa abantu bakho, Israyeli, bengangetshebetshebe lolwandle, kuzakubuya phakathi kwabo abaseleyo kuphela; ukuchitheka kumisiwe okubafaneleyo.

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

U-Isaya 11:16

Kuzakuba khona umgwaqo wabantu bakhe abaseleyo uvela eAsiriya, njengalokhu kwakunjalo kuIsrayeli ekuphumeni kwakhe eGibithe.

U-Isaya 4:2

Ngalolosuku isihlahla seNkosi sizakuba sihle, sibe lodumo, lezithelo zelizwe zizakuba ligugu lodumo lwabaseleyo koIsrayeli.

U-Isaya 46:13

ngiyasondeza ukukhulula kwami, kakusekhatshana; ukukhulula kwami kakuyikuphuza; nginika ukukhulula kwami eZiyone lodumo lwami koIsrayeli.

UJeremiya 31:7

Ngoba iNkosi ithi: Mhlabeleleni uJakobe ngokuthokoza, liyimemezele induna yezizwe; limemeze, lidumise lithi: INkosi yabakhulula abantu bayo abaseleyo koIsrayeli.

UJeremiya 33:3

Ngibiza, ngizakusabela, ngikutshele izinto ezinkulu ezifihlakeleyo ongazaziyo.

uAmosi 9:8

Khangelani, mina Nkosi uNkulunkulu ngiwuqaphele umbuso owonayo; ngizawuchitha emhlabeni, kodwa kangiyikuyichitha yonke indlu kaJakobe, kutsho iNkosi.

uObadiya 1:17

Kodwa entabeni yaseZiyone kuzakuba khona abaphunyukileyo, izakuba ngcwele; lendlu kaJakobe izakudla ilifa layo.

uObadiya 1:21

Abasilileyo bakhwele entabeni yaseZiyone ukubusa intaba kaEsawu; iNkosi yiyo ezakubusa.

UMikha 5:3

Ngakhoke uzabanikela, aze abelethe ohelelwayo, besekubuya koIsrayeli abaseleyo kubafowabo.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UJohane 10:16

Ngilezinye izimvu ezingesizo zalesisibaya; lazo ngifanele ukuziletha; zizakuzwa ilizwi lami, ukuze zibe mhlambi munye lomalusi munye.

UJohane 4:22

Lina likhonza elingakwaziyo, thina sikhonza esikwaziyo; ngoba ukusiliswa kuvela kubaJuda.

Imisebenzi 15:17

ukuze abaseleyo babantu kanye lezizwe zonke bayifune iNkosi ababizwe ngebizo lami,

Imisebenzi 2:39

Ngoba isithembiso ngesenu lesabantwana benu, lesabo bonke abakhatshana, bonke ezakubabizela kuyo iNkosi uNkulunkulu wethu.

AbaseRoma 11:26

andubana uIsrayeli wonke ezakusiliswa, njengokulotshiweyo ukuthi: Kuzakuvela eZiyone uMkhululi, asuse ububi kuJakobe;

AbaseRoma 11:5

Kunjaloke kukhona langalesisikhathi ingxenye yabo abaseleyo ngokukhetha komusa.

AbaseRoma 11:7

Phoke? Lokho uIsrayeli ayekufuna kakufumananga, kanti abakhethiweyo bakufumana; labanye benziwa baba lukhuni;

AbaseRoma 9:24

Siyizo thina asibizileyo, kungesikho kubaJuda kuphela kodwa lakumaGriki futhi,

AbaseRoma 9:27

UIsaya laye umemeza ngoIsrayeli esithi: Lanxa inani labakoIsrayeli lingangetshebetshebe lolwandle, kuzakusiliswa abalutshwana kuphela.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

AmaHebheru 12:22

Kodwa lina lize entabeni yaseZiyone lasemzini kaNkulunkulu ophilayo, iJerusalema elasezulwini, lakuzithunywa eziyizigidi ezingelakubalwa ezihlangene ngokuthokoza,