UJoweli 2:28 - iBhayibhili Elingcwele 1978

²⁸ Kuzakuthi emva kwalokho ngithele umoya wami phezu kwabantu bonke; amadodana enu lamadodakazi enu azakwazisela, labadala benu baphuphe amaphupho, lensizwa zenu zibone imibono.

IBhayibhili Elingcwele LesiNdebele

²⁸ “Emva kwalokho, ngizathululela uMoya wami kubo bonke abantu. Amadodana lamadodakazi enu azaphrofitha, izinsizwa zenu zizabona imibono, lamaxhegu enu azaphupha amaphupho.

UJoweli 2:28 ပူးပေါင်းရင်းမြစ်များ

Izaga 1:23

Lalelani ukukhuza kwami; sengizakulitshela imicabango yami, ngikhulume amazwi ami ahlakaniphileyo kini.

U-Isaya 32:15

umoya uze uthelwe phezu kwethu uvela phezulu. Inkangala izakuba yindawo evundileyo, lendawo evundileyo ibe lihlathi.

U-Isaya 40:5

Inkazimulo yeNkosi izakubonakaliswa, bonke abantu bayibone kanyekanye, ngoba iNkosi ikukhulumile lokhu.

U-Isaya 44:3

Ngoba ngizathela amanzi phezu komhlaba owomileyo, lezikhukhula emhlabathini owomileyo; ngithele umoya wami phezu kwenzalo yakho, lesibusiso sami phezu kwabantwana bakho.

U-Isaya 49:26

Ngizakwenza abacindezeli bakho badle eyabo inyama, badakwe ngelabo igazi kungathi badakwe liwayini. Ng’khona bonke abantu bazakwazi ukuthi mina ngiyiNkosi, loMsilisi wakho, loMhlengi wakho, uMninimandla kaJakobe.

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 54:13

Wonke amadodana akho azafundiswa yiNkosi, lokuphumelela kwawo kuzakuba kukhulu.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UJeremiya 23:28

Umprofethi olephupho kalixoxe iphupho lakhe, kodwa olelizwi lami kalikhulume ilizwi lami ngeqiniso. Amakhoba ayini kulamabele ne? kutsho iNkosi.

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UHezekhiyeli 37:14

Ngizafaka umoya wami kini, liphile; ngizalibeka kwelenu ilizwe; ng’khona lizakwazi ukuba mina Nkosi ngikhulumile, lokuba ngikwenzile, kutsho iNkosi.

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UDanyeli 7:1

Ngomnyaka wokuqala kaBelishazari, inkosi yaseBabiloni, uDaniyeli waphupha iphupho, wabona lemibono ngengqondo yakhe esalele embhedeni wakhe. Waseligwala iphupho, waqalisa

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

AmaNani 11:17

Ngizakwehla, ngikhulume lawe khona; ngizakuthatha ingxenye yomoya okuwe ngiyifake kibo; bazakuthwala umthwalo wabantu kanye lawe, ukuze ungawuthwali wedwa.

AmaNani 12:6

Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.

ULukha 1:67

UZekariya uyise wagcwaliswa ngoMoya oNgcwele, wabikezela esithi:

ULukha 3:6

bonke abantu bazakubona ukusilisa kukaNkulunkulu.

UJohane 7:39

Lokhu wakutsho ngoMoya ababezamamukela abakholwa kuye, ngoba uMoya wayengakanikwa, lokhu uJesu wayengakadunyiswa.

Imisebenzi 2:33

Ngakhoke ephakanyiselwe ngakwesokunene sikaNkulunkulu, esamukele kuYise isithembiso sikaMoya oNgcwele, uthelile lokhu elikubonayo lelikuzwayo.

Imisebenzi 2:39

Ngoba isithembiso ngesenu lesabantwana benu, lesabo bonke abakhatshana, bonke ezakubabizela kuyo iNkosi uNkulunkulu wethu.

Imisebenzi 21:9

Yenake wayelamadodakazi amane ayengendanga, intombi ezaziselayo.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

AmaHebheru 1:1

UNkulunkulu wakhuluma endulo kubokhokho ngabaprofethi ngamathuba amanengi langezindlela ezinengi.

1 USamuyeli 19:20

USawuli wasethuma izithunywa ukumbamba uDavida, lapho zibona ixuku labaprofethi beprofetha, loSamuweli emi engumkhokheli wabo, umoya kaNkulunkulu wazehlela izithunywa zikaSawuli, lazo zaprofetha.

1 USamuyeli 19:21

Lapho ebikelwa uSawuli, wathuma ezinye izithunywa, lazo zaprofetha. USawuli wasephinda ethuma ezinye futhi ngokwesithathu, lazo zaprofetha.

1 USamuyeli 28:6

Lapho uSawuli ebuza eNkosini, iNkosi kayimphendulanga langamaphupho langenkatho iUrimi langabaprofethi.