UJoweli 2:27 - iBhayibhili Elingcwele 1978

²⁷ Lizakwazi ukuthi ngikhona phakathi kukaIsrayeli, lokuthi mina Nkosi nginguNkulunkulu wenu, kakho omunye. Abantu bami kabasayikuphinda bayangiswe futhi.

IBhayibhili Elingcwele LesiNdebele

²⁷ Ngakho lizakwazi ukuthi ngiko-Israyeli, lokuthi mina nginguThixo uNkulunkulu wenu, kanye lokuthi kakho omunye; abantu bami kabayikuphinda bayangeke futhi.”

UJoweli 2:27 ပူးပေါင်းရင်းမြစ်များ

AmaHubo 46:5

UNkulunkulu uphakathi kwawo, kawuyikunyikinywa; uNkulunkulu uzakuwusiza ngovivi lokusa.

AmaHubo 68:18

Wena wakhwela phezulu entabeni, ulandelwa ngabathunjiweyo; wamukela iziphiwo ebantwini, yebo, lakwabalenkani; iNkosi uNkulunkulu izahlala khona.

Izaga 1:23

Lalelani ukukhuza kwami; sengizakulitshela imicabango yami, ngikhulume amazwi ami ahlakaniphileyo kini.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 44:3

Ngoba ngizathela amanzi phezu komhlaba owomileyo, lezikhukhula emhlabathini owomileyo; ngithele umoya wami phezu kwenzalo yakho, lesibusiso sami phezu kwabantwana bakho.

U-Isaya 44:8

Lingesabi, lingatshaywa luvalo; angithi ngalitshela kusukela endulo na? Lina lingofakazi bami. Kambe kukhona uNkulunkulu ngaphandle kwami na? Atshi, kalikho iDwala elinjengami, kangilazi.

U-Isaya 45:18

Ngoba iNkosi eyadala iphezulu, yona enguNkulunkulu, eyabumba umhlaba, yawenza, yawumisa, ingawudaleli ize, yawubumba ukuba kuhlalwe kuwo, ithi: NgiyiNkosi, kakho omunye.

U-Isaya 45:5

Mina ngiyiNkosi, kakukho omunye, langaphandle kwami kakho uNkulunkulu. Ngiyakuhlomisa ngezikhali, lanxa wena ungangazi,

U-Isaya 45:6

ukuze abantu bazi kusukela ngasempumalanga langasentshonalanga ukuthi kakho omunye ngaphandle kwami; mina ngiyiNkosi, kakho omunye.

U-Isaya 46:9

khumbulani izinto zakuqala zasendulo; ngoba nginguNkulunkulu, kakho omunye; yebo, nginguNkulunkulu, kakho ofana lami,

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

UHezekhiyeli 37:6

Ngizabeka imisipha phezu kwenu, ngihlumise inyama phezu kwenu, ngilifake isigogo, ngilifake umoya, liphile. Lizakwazi ukuba ngiyiNkosi.

UHezekhiyeli 39:22

AbakoIsrayeli bazakwazi ukuba ngiyiNkosi uNkulunkulu wabo kusukela kulolosuku.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UJoweli 2:26

Lizakudla okunengi, lisuthe, lidumise ibizo leNkosi, uNkulunkulu wenu, oliphethe ngokumangalisayo. — Abantu bami kabasayikuphinda bayangiswe futhi —

UJoweli 3:17

Ngalokhoke lizakwazi ukuba ngiyiNkosi, uNkulunkulu wenu ohlala eZiyone, intaba yami engcwele. IJerusalema lizakuba ngcwele, abezizwe kabasayikuphinda badlule phakathi kwalo futhi.

UJoweli 3:21

Ngizaphindisela igazi labo, kangiyikumyekela olecala, ngoba iNkosi ihlala eZiyone.

UZefaniya 3:11

Ngalolosuku lina bantu bami, kaliyikuyangeka ngenxa yezenzo eliphambuka ngazo kimi, ngoba ngizakhupha phakathi kwenu labo abazikhukhumezayo; kalisayikuziphakamisa entabeni yami engcwele.

UZefaniya 3:17

INkosi uNkulunkulu wakho iphakathi kwakho, injengeqhawe elinqobayo; izajabula ngawe ngentokozo, ikuvuselele ngothando lwayo, ithabe ngawe ngokuhlabelela

UZakhariya 2:9

Ngizaziphakamisela isandla sami, zibe yimpango yalabo ababezikhonza. Ng’khona lizakwazi ukuthi iNkosi yamabandla ingithumile.

AmaNani 11:29

Kodwa uMose wathi kuye: Ulomona ngenxa yami na? Kungathi bonke abantu beNkosi bangaba ngabaprofethi, ukuba iNkosi ifake umoya wayo kibo!

AmaNani 23:21

Ububi kabufunyaniswanga kuJakobe, lokuhlupheka kakubonakalanga kuIsrayeli. INkosi uNkulunkulu wabo ilabo, kumenyezelwa phakathi kwabo ukuthi iyinkosi.

2 AbaseKhorinte 6:16

Livumelana ngaphi ithempeli likaNkulunkulu lezithombe na? Ngoba thina silithempeli likaNkulunkulu ophilayo, njengokutsho kwakhe ukuthi: Ngizakuhlala labo, ngihambe phakathi kwabo; ngizakuba nguNkulunkulu wabo, bona babe ngabantu bami.

UDutheronomi 23:14

Ngoba iNkosi uNkulunkulu wenu iyahamba phakathi kwezihonqo zenu, ukuba ililondoloze, inikele izitha zenu kini. Ngakhoke izihonqo zenu kazibe ngcwele, ukuba ingaboni lutho olungahlambulukanga phakathi kwenu, ilifulathele.

1 UPhethro 2:6

Ngoba umbhalo uthi: Khangelani, ngiyabeka eZiyone ilitshe lengonsi elikhethiweyo eliligugu; okholwa kulo kayikuyangeka.

Isambulo 21:3

Ngezwa ilizwi elikhulu livela esihlalweni sobukhosi lisithi: Khangela, indawo yokuhlala uNkulunkulu isebantwini; uzakuhlala labo, bazakuba ngabantu bakhe, uNkulunkulu uqobo uzakuba labo,