UJoweli 2:18 - iBhayibhili Elingcwele 1978

¹⁸ INkosi yaliphisekela ilizwe layo, yaba lesihawu ebantwini bayo.

IBhayibhili Elingcwele LesiNdebele

¹⁸ Lapho-ke uThixo uzakuba lobukhwele ngelizwe lakhe abe lesihawu ebantwini bakhe.

UJoweli 2:18 ပူးပေါင်းရင်းမြစ်များ

2 AmaKhosi 19:31

ngoba kuzakuphuma eJerusalema abayingcosana, lasentabeni yaseZiyone ixuku labaseleyo. Ukutshiseka kweNkosi kuzakwenza lokhu.

AmaHubo 103:13

Njengoyise ehawukela abantwana bakhe, ngokunjaloke iNkosi iyabahawukela bona abayesabayo.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

U-Isaya 37:32

ngoba kuzaphuma eJerusalema abayingcosana, lentabeni yaseZiyone ixuku labaseleyo. Ukutshisekela kweNkosi yamabandla kuzakwenza lokhu.

U-Isaya 42:13

INkosi iyaphuma njengeqhawe, itshisekela ukulwa njengendoda yempi; iyamemeza isiga sempi, izinqobe izitha zayo.

U-Isaya 60:10

Abezizwe bazakwakha imiduli yakho, lamakhosi abo akukhonze; ngoba lanxa olakeni lwami ngakutshaya, kodwa sengikuhawukele.

U-Isaya 63:15

Khangela phansi usezulwini ubone, usendaweni yakho engcwele yobukhosi. Kungaphi ukutshiseka kwakho lamandla akho? Ukuvutha kwenhliziyo yakho lesihawu sakho kugodliwe.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

Izililo 3:22

ukuthi uthando olungapheliyo lweNkosi luhlala njalo, lesihawu sayo kasilakucina.

UZakhariya 1:14

Ngakho isithunywa esasikhuluma lami sathi kimi: Memeza uthi iNkosi yamabandla ithi: Ngilobukhwele obukhulu ngeJerusalema langeZiyone.

UZakhariya 8:2

INkosi yamabandla ithi: Ngilobukhwele ngeZiyone, ubukhwele obuvuthayo kakhulu.

ULukha 15:20

Yasisuka, yaya kuyise; kodwa kuthe isekhatshana, uyise wayibona, wayihawukela, wagijima, wayisingatha, wayanga.

UDutheronomi 32:16

Bavusa umhawu wakhe ngonkulunkulu babezizwe, bamthukuthelisa ngokwenza izinto ezinengekayo.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

UDutheronomi 32:43

Dumisani abantu bayo, lina zizwe; ngoba iyaphindisela igazi lezinceku zayo, ibe lempindiselo kubo abamelene layo, yenzele ilizwe labantu bayo ukubuyisana.

UJakhobe 5:11

Khangelani, babusisiwe ababekezelayo. Lizwile ngokubekezela kukaJobe, libonile ukuba iNkosi yamphatha kanjani ekucineni; ngoba iNkosi ilesihawu lobubele.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.