UJoweli 2:17 - iBhayibhili Elingcwele 1978

¹⁷ Abapristi, izikhonzi zeNkosi, kabakhale phakathi komkoto lealtare, bathi: Bahawukele abantu bakho, Nkosi, ungabenzi babe yinhlamba, lesiga phakathi kwezizwe. Bazakutsholoni phakathi kwezizwe ukuthi: Ungaphi uNkulunkulu wabo na?

IBhayibhili Elingcwele LesiNdebele

¹⁷ Abaphristi abakhonzayo phambi kukaThixo, kabakhale bephakathi laphakathi kwentuba le-alithari. Kabathi, “Awu Thixo, zwela abantu bakho. Ungenzi ilifa lakho libe yinto yokuhlekwa, isiga phakathi kwezizwe. Kungani phakathi kwezizwe kumele bathi, ‘Ungaphi uNkulunkulu wabo?’ ”

UJoweli 2:17 ပူးပေါင်းရင်းမြစ်များ

1 AmaKhosi 6:3

Umkoto owawungaphambili ubude bawo babuzingalo ezingamatshumi amabili ulingana lobubanzi bendlu, lobubanzi bawo buzingalo ezilitshumi ngaphambi kwendlu.

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 ImiLando 7:20

ngizakulisiphula elizweni engalinika lona, lalindlu engiyahlukanisele ibizo lami ngiyichithe phambi kwami, ngiyenze ibe yisiga lento yokuhaywa phakathi kwezizwe zonke.

2 ImiLando 8:12

USolomoni wasenikela eNkosini iminikelo yokutshiswa phezu kwealtare leNkosi ayelakhile ngaphambi komkoto,

UNehemiya 9:36

Sesiyizigqili lamhla elizweni owalinika okhokho ukuba badle izithelo zalo lenotho yalo; yebo, siyizigqili kulo.

AmaHubo 115:2

Izizwe zizakutsho ngani ukuthi: Ungaphi uNkulunkulu wabo na?

AmaHubo 42:10

Kuyafutha njengesilonda emzimbeni wami lapho izitha zami zingihleka, lapho zisithi kimi insuku zonke: Ungaphi uNkulunkulu wakho na?

AmaHubo 42:11

Udaneleni mphefumulo wami na? Ukhathazekelani phakathi kwami na? Themba kuNkulunkulu, ngoba ngisezakumdumisa futhi, umsizi wami loNkulunkulu wami.

AmaHubo 42:3

Inyembezi zami beziyikudla kwami emini lasebusuku, lapho abantu kokuphela besithi: Ungaphi uNkulunkulu wakho na?

AmaHubo 42:4

Ngikhumbula lezizinto ngidabuke inhliziyo, ukuthi ngangihamba lamaxuku, ngiwakhokhele odwendweni lokuya endlini kaNkulunkulu ngenhlokomo yezingoma zokubonga, ixuku eligida umkhosi.

AmaHubo 74:10

Koze kube nini, Nkulunkulu, izitha zikloloda na? Izitha zizahlambaza ibizo lakho kokuphela na?

AmaHubo 79:10

Bangakutsho ngani abezizwe ukuthi: Ungaphi uNkulunkulu wabo na? Ukuphindiselwa kwegazi elichithekileyo lenceku zakho kakwaziwe phakathi kwezizwe phambi kwethu.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

AmaHubo 89:41

Bonke abadlulayo bayamphanga; useyinhlekisa kwabakhelene laye.

AmaHubo 89:51

engithukwa ngayo yizitha zakho, Nkosi, eziklolodela ngayo izinyathelo zogcotshiweyo wakho.

U-Eksodasi 34:9

Wathi: Uba ngifumene umusa emehlweni akho, Nkosi, ake uhambe phakathi kwethu, lanxa lababantu bengabanhliziyo zilukhuni, usithethelele ububi bethu lokona kwethu, usithathe sibe yilifa lakho.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

U-Isaya 37:20

Ngakhoke, Nkosi Nkulunkulu wethu, akusikhulule esandleni sakhe, ukuze yonke imibuso yomhlaba yazi ukuba wena wedwa uyiNkosi.

UHezekhiyeli 20:9

Kodwa kangikwenzanga ngenxa yebizo lami ukuba lingangcoliswa phambi kwezizwe ababehlala phakathi kwazo, engaziveza kibo phambi kwazo ukuba ngibakhuphe eGibithe.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJoweli 1:9

Umnikelo wempuphu lowokunathwa iphelile ethempelini. Izikhonzi zeNkosi, abapristi, ziyakhala.

uAmosi 7:2

Kwathi lapho sesidlile utshani belizwe, ngathi: Nkosi Nkulunkulu, ake uthethelele, ngiyakuncenga. Uzaphepha kanjani uJakobe emncinyane kangaka?

uAmosi 7:5

Ngasengisithi: Nkosi Nkulunkulu, ake ume, ngiyakuncenga. Uzaphepha kanjani uJakobe emncinyane kangaka?

UMikha 7:10

Isitha sami sizakukubona, zimbambe inhloni yena owathi kimi: Ingaphi iNkosi uNkulunkulu wakho na? Ngizathokoza nxa ngimbona esenyathelwe phansi njengodaka lwendlela.

UMalaki 1:9

Ake lincenge uNkulunkulu ukuba abe lomusa kithi. Uba linika isipho esinjalo, uzakuba lomusa kini na? kutsho iNkosi yamabandla.

AmaNani 25:6

Umuntu othile wakoIsrayeli waletha emzini wakhe owesifazana waseMidiyani, phambi kukaMose laphambi kwebandla labakoIsrayeli, besakhala ngasemnyango wethente lokuhlangana.

UMatewu 23:35

ukuba kwehlele phezu kwenu igazi lonke elingelacala elachithwa emhlabeni, kusukela egazini likaAbela olungileyo kuze kufike egazini likaZekariya indodana kaBarakiya, elambulala phakathi kwethempeli lealtare.

UMatewu 27:43

Wathemba uNkulunkulu; kamkhulule khathesi, uba emthanda, ngoba wathi: NgiyiNdodana kaNkulunkulu.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

UDutheronomi 32:27

uba bengingesabi ukuzincoma kwezitha, lezitha zabo zikuhlanekele, zithi: Isandla sethu sinqobile; kakusiyo iNkosi eyenze konke lokhu.

UJoshuwa 7:9

Ngoba amaKanani labo bonke abakhileyo elizweni bazakukuzwa, basihanqe, baliqede ibizo lethu emhlabeni. Phoke, wena uzakwenza njani ngebizo lakho elikhulu na?