UJoweli 2:14 - iBhayibhili Elingcwele 1978

¹⁴ Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

IBhayibhili Elingcwele LesiNdebele

¹⁴ Ngubani owaziyo? Engxenye angaphenduka abe lesihawu atshiye isibusiso, iminikelo yamabele leminikelo yokunathwayo kaThixo uNkulunkulu wenu.

UJoweli 2:14 ပူးပေါင်းရင်းမြစ်များ

2 USamuyeli 12:22

Yena wathi: Umntwana esaphila, ngizile ukudla, ngakhala, ngoba ngithe: Ngubani owaziyo ukuthi mhlawumbe iNkosi izakuba lomusa kimi ukuba umntwana aphile na?

2 USamuyeli 16:12

Mhlawumbe izabona usizi lwami, ingilethele okuhle ngalokhu ukuthukwa kwalamuhla.

2 AmaKhosi 19:4

Mhlawumbe iNkosi uNkulunkulu wakho iwezwile wonke amazwi enceku enkulu ethunywe yinkosi yayo yaseAsiriya, ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke akukhulekele ingcosana eseleyo.

U-Eksodasi 32:30

Kusisa uMose wathi ebantwini: Lenze isono esikhulu; khathesi sengizakukhuphukela eNkosini; mhlawumbe ngingenza indlela yokubuyisana esonweni senu.

U-Isaya 65:8

INkosi ithi: Lapho ihlukuzo lezithelo zevini lilewayini elihle, abantu bathi: Ungaloni, ngoba liphethe isibusiso; ngakhoke ngenxa yenceku zami kangiyikubhubhisa bonke abantu.

UJeremiya 18:8

uba lesosizwe engakhulume ngaso sitshiya ububi baso, ngizazisola ngokubi ebengisithi ngizakubenza kiso.

UJeremiya 26:13

Ngakho lungisani indlela zenu lezenzo zenu, lilalele ilizwi leNkosi uNkulunkulu wenu, izayekela ukwenza okubi konke ekukhulume ngani.

UJeremiya 26:3

Mhlawumbe bazakulalela, bonke batshiye indlela zabo ezimbi, ukuba ngiyekele okubi ebengisithi ngizakukwenza kubo ngenxa yezenzo zabo ezimbi.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJoweli 1:16

Kakuphelanga ukudla kwethu na? Lokuthaba lokuthokoza kakuphelanga endlini kaNkulunkulu na?

UJoweli 1:9

Umnikelo wempuphu lowokunathwa iphelile ethempelini. Izikhonzi zeNkosi, abapristi, ziyakhala.

uAmosi 5:15

Zondani okubi lithande okuhle, lenze okufaneleyo enkundleni; mhlawumbe iNkosi uNkulunkulu wamabandla ingaba lomusa kwabaseleyo koJosefa.

UJona 1:6

Induna yomkolo, yamfica khona yathi kuye: Ulani wena olele ubuthongo na? Vuka, ukhuleke kunkulunkulu wakho; mhlawumbe lunkulunkulu uzasikhumbula ukuba singabhubhi.

UJona 3:9

Kwazi bani ukuba uNkulunkulu angezisole, ludede ulaka lwakhe olukhulu ukuze singabhubhi.

UZefaniya 2:3

Dingani iNkosi, lina lonke abathobekileyo bomhlaba abenza imilayo yayo, dingani ukulunga, lidinge ukuthobeka; mhlawumbe lingavikelwa ngosuku lolaka lweNkosi.

UHagayi 2:19

Inhlanyelo isesesilulwini na? Ivini lomkhiwa lepomegranati leoliva, lokhu kungatheli na? Kusukela lamuhla ngizakulibusisa.

2 uTimothi 2:25

ibaluleke ngomoya omnene abamelana layo. Kumbe uNkulunkulu angabanika ukuphenduka, baze balazi iqiniso,

UJoshuwa 14:12

ngakhoke akunginike lelilizwe lezintaba iNkosi eyakhuluma ngalo ngalolosuku, ngoba wezwa mhlalokho ukuba amaAnaki ayehlala lapho ayelemizi emikhulu ebiyelweyo. Uba iNkosi ilami, ngizawaxotsha njengokutsho kwayo.

1 USamuyeli 6:5

Yenzani izithombe zamathumba enu lezithombe zamagundwane alonayo ilizwe, limnike udumo uNkulunkulu kaIsrayeli; mhlawumbe angaxegisa isandla sakhe phezu kwenu laphezu kwabonkulunkulu benu lelizwe lenu.