UJoweli 2:12 - iBhayibhili Elingcwele 1978

¹² Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

IBhayibhili Elingcwele LesiNdebele

¹² “Lakhathesi,” kutsho uThixo, “phendukelani kimi ngenhliziyo zenu zonke, ngokuzila langokukhala lokulila.”

UJoweli 2:12 ပူးပေါင်းရင်းမြစ်များ

2 USamuyeli 24:10

UDavida wahlabeka enhliziyweni emva kokubala kwakhe abantu. Wathi eNkosini: Ngonile kakhulu ngalokho engikwenzileyo. Ngakho, Nkosi, ngiyakuncenga, akuthethelele ububi benceku yakho, ngoba ngenzile ubuthutha obukhulu.

2 ImiLando 30:6

Ngakho izigijimi zahamba kulo lonke elakoIsrayeli lelakoJuda ziphethe incwadi ezivela enkosini lezikhulu zayo ezitsho ilizwi lenkosi elithi: Bantu bakoIsrayeli, buyelani eNkosini, uNkulunkulu kaAbrahama loIsaka loIsrayeli, ukuze ibuyele kulabo benu abaphunyukileyo ezandleni zamakhosi eAsiriya.

2 ImiLando 6:27

akuzwe wena usezulwini, uthethelele izono zenceku zakho, abantu bakho uIsrayeli, ubafundise indlela elungileyo abangahamba ngayo, unise izulu elizweni lakho owabanika lona libe ngelabo.

U-Esta 4:16

wathi: Hamba uyebuthanisa bonke abaJuda abaseSusa, lizile ukudla ngenxa yami, lingadli linganathi okwensuku ezintathu ubusuku lemini. Lami lezincekukazi zami sizazila ukudla njengani. Ngemva kwalokho ngizakuya enkosini loba lokhu kuphambene lomthetho; uba ngibhubha, ngizabe ngibhubhile njalo.

U-Eksodasi 33:5

ngoba iNkosi yathi kuMose: Tshono ebantwini bakoIsrayeli uthi: Lingabantu abanhliziyo zilukhuni; uba ngihamba lani okwesikhathi nje, ngizaliqeda. Ngakhoke khuphani izigqizo zenu ukuba ngibone ukuthi ngizakwenzani kini.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

U-Isaya 58:4

lokhu lizilela ukulwa lokuphikisana, lokutshayana kubi ngenqindi ngesikhathi esinje ukuzila kwenu kakufinyelelisi ukucela kwenu phezulu.

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UDanyeli 9:3

Ngasengikhuleka eNkosini uNkulunkulu, ngayincenga, ngizila ukudla, ngigqoke izambatho zokulila, ngihlezi esilotheni.

UHosiya 12:6

Ngakhoke, wena, ngokusizwa nguNkulunkulu wakho, buyela, ubambelele othandweni lakokufaneleyo, uthembe kuNkulunkulu wakho njalonjalo.

UHosiya 12:7

INkosi ithi: Wena Israyeli, unjengomthengi ophethe izilinganiso ezikhohlisayo othanda ukuqilibizela.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UZakhariya 7:3

lokubuza abapristi bendlu yeNkosi yamabandla labaprofethi ukuthi: Sizalilela ithempeli, sizile ukudla enyangeni yesihlanu njengokwenza kwethu iminyaka yonke na?

UZakhariya 7:5

Tshono ebantwini bonke belizwe lakubapristi uthi: Ekuzileni kwenu ukudla lasekulileni kwenu enyangeni yesihlanu lasenyangeni yesikhombisa, kule iminyaka engamatshumi ayisikhombisa, lalizilela mina ukudla na?

UMalaki 1:9

Ake lincenge uNkulunkulu ukuba abe lomusa kithi. Uba linika isipho esinjalo, uzakuba lomusa kini na? kutsho iNkosi yamabandla.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

Abahluleli 2:4

Kwathi isithunywa seNkosi sesikhulume lawomazwi kubo bonke abakoIsrayeli, badazuluka bakhala.

Abahluleli 20:26

Ngakho bonke abantu bakoIsrayeli, yonke impi, basuka baya eBetheli, bakhala behlezi phambi kweNkosi, bazila ukudla kwaze kwahlwa, banikela iminikelo yokutshiswa leminikelo yokuthula phambi kweNkosi.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.

1 USamuyeli 7:6

Babuthana eMizipa, bakha amanzi, bawathela phambi kweNkosi, bazila ukudla mhlalokho, bathi: Sonile eNkosini. KuseMizipa lapho uSamuweli wayesahlulela uIsrayeli khona.