UJoshuwa 7:6 - iBhayibhili Elingcwele 1978

⁶ UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.

IBhayibhili Elingcwele LesiNdebele

⁶ UJoshuwa wadabula izigqoko zakhe wathi mbo phansi ngobuso phambi komtshokotsho wesivumelwano sikaThixo, wala elokhu enjalo kwaze kwahlwa. Abadala bako-Israyeli labo benza njalo, basebezithela ngothuli emakhanda abo.

UJoshuwa 7:6 ပူးပေါင်းရင်းမြစ်များ

UGenesisi 37:29

URubeni wabuyela emgodini, wabona ukuthi uJosefa kasekho emgodini, wadabula ingubo zakhe.

UGenesisi 37:34

UJakobe wadabula ingubo zakhe, wagqoka izambatho zokulila, wayililela indodana yakhe insuku ezinengi.

2 USamuyeli 1:11

UDavida wasebamba izigqoko zakhe ezidabula; enza njalo lawo wonke amadoda ayelaye.

2 USamuyeli 1:12

Balila, bakhala, bazila ukudla kwaze kwahlwa ngenxa kaSawuli, loJonathani indodana yakhe, labantu beNkosi uNkulunkulu, abakoIsrayeli, ababebulewe empini.

2 USamuyeli 1:2

Kwathi ngosuku lwesithathu kwafika umuntu evela ezihonqweni zikaSawuli, izigqoko zakhe zidabukile, egcwele lothuli ekhanda lakhe. Wathi efika kuDavida wawa phansi, wakhuleka.

2 USamuyeli 12:16

UDavida wamkhulekela kuNkulunkulu umntwana; wazila ukudla, wangena walala phansi ubusuku bonke.

2 USamuyeli 13:19

UTamari wasezithela ngomlotha ekhanda, wadabula isigqoko sakhe esilemikhono emide ayesigqokile, wathwala imikhono ekhanda, wahamba ekhala kakhulu.

2 USamuyeli 13:31

Inkosi yasisukuma idabula izigqoko zayo, yalala phansi; zonke inceku zayo zazimi lapho izigqoko zazo zidatshuliwe.

2 AmaKhosi 22:11

Kwathi inkosi isizwile amazwi encwadi yomlayo, yadabula izigqoko zayo.

2 ImiLando 34:19

Kwathi inkosi isiwazwile amazwi omlayo yadabula izigqoko zayo.

U-Ezra 10:1

UEzra esakhuleka evuma izono, ekhala eziwisela phansi phambi kwendlu kaNkulunkulu, ixuku elikhulu labantu abesilisa labesifazana labantwana babuthana kuye, livela kuye wonke uIsrayeli, ngoba abantu bakhala kakhulu.

UNehemiya 9:1

Ngosuku lwamatshumi amabili lane lwaleyonyanga abakoIsrayeli babuthanela ukuzila ukudla, begqoke izambatho zokulila, begcwele uthuli emakhanda.

U-Esta 4:1

Kwathi lapho uMoridekayi esekuzwile konke okwenziweyo wadabula izigqoko zakhe, wagqoka ezokulila, wazithela ngomlotha, wadabula phakathi komuzi ekhala kakhulu kabuhlungu.

U-Esta 4:3

Kuwo wonke amazwe okwafika kuwo umthetho lesimemezelo senkosi kwaba khona ukulila okukhulu phakathi kwabaJuda, bazila ukudla bakhala kakhulu; abanengi babo balala ngengubo zokulila emlotheni.

UJobe 1:20

UJobe wasesuka edabula ingubo yakhe, waphuca ikhanda lakhe, wawa phansi, wakhuleka;

UJobe 2:12

Lapho bembona bekhatshana, kabamazanga, baphakamisa amazwi abo bakhala, badabula izigqoko zabo, baphosa uthuli phezulu emakhanda abo.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

Izililo 2:10

Abadala baseZiyone bahlezi phansi bethule, bathele uthuli emakhanda abo, bagqoke izambatho zokulila. Intombi zaseJerusalema zikhothamisele phansi amakhanda azo.

AmaNani 14:6

UJoshuwa indodana kaNuni loKalebi indodana kaJefune ababephakathi kwalabo abahlola ilizwe, badabula ingubo zabo,

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

AmaNani 16:45

Suka ebandleni leli ukuba ngibachithe khathesinje. Bathi mbo ngobuso phansi.

Imisebenzi 14:14

Kodwa abaphostoli oBarnabasi loPawuli sebekuzwile, badabula ingubo zabo, baphoseka exukwini bememeza besithi:

UJoshuwa 7:7

UJoshuwa wasesithi: Maye Nkosi Nkulunkulu! Ubachaphiseleni lababantu iJordani ukuba usinikele ezandleni zamaAmori ukusibhubhisa na? Kungathi ngabe saneliswa yikuhlala ngaphetsheya kweJordani!

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.

Abahluleli 11:35

Kwathi lapho eyibona wadabula izigqoko zakhe wathi: Maye mntanami! ungidabule inhliziyo, wangilethela ukuhlupheka okukhulu, ngoba ngifungile eNkosini, ngingeke ngisaphule isifungo sami.

Abahluleli 20:23

AbakoIsrayeli basuka bayakhala phambi kweNkosi kwaze kwahlwa. Babuza eNkosini bathi: Sibuyele yini ukulwa labafowethu abakoBenjamini na? INkosi yathi: Yebo, hambani liyekulwa labo.

Abahluleli 20:26

Ngakho bonke abantu bakoIsrayeli, yonke impi, basuka baya eBetheli, bakhala behlezi phambi kweNkosi, bazila ukudla kwaze kwahlwa, banikela iminikelo yokutshiswa leminikelo yokuthula phambi kweNkosi.

Abahluleli 21:2

Abantu beza eBetheli, bahlala phambi kweNkosi kwaze kwahlwa, baphakamisa amazwi abo bakhala kakhulu.

1 USamuyeli 4:12

Kwaphuma empini umuntu wakoBenjamini, wagijimela eShilo ngalona lolosuku, izigqoko zakhe zidatshuliwe lekhanda lakhe ligcwele inhlabathi.